بیرلشگن ملت لر تشکیلاتی: افغانستان فقرا لری آره سیده قربان لر سانی آرته یاتیر

Image copyright k

بیرلشگن ملت لر تشکیلاتی نینگ ینگی حساباتیدن آشکار بولیشی چه، افغانستان ده اولدیریلگن و یره دار ایتیلگن عادی اهالی سانی بیش ییلدن بویان آرتیب بارماقده.

افغانستان ده گی بی ام تی یاردم موسسه سی ( یوناما ) 2011 ییلده 3021 عادی فقرا هلاک بولگنینی حجت لشتیرگن.

ینه اوشبو موضوع گه عاید بیرلشگن ملت لر تشکیلاتی :" افغانستان ده زوروانلیک و انسانی تلفاتی کیسکین آشگن . اوشبو تشکیلات 2010 ییل افغانستان اوچون اخرگی اون ییل نینگ اینگ قانلی سی بولدی" علاقه دار موضوع لر بیرلشگن ملت لر تشکیلاتی:" عادی فقرا لر آره سیده قربان لر سانی 2010 ییل ده 2790 نفر ، 2009 ییلده ایسه 2412 نفرنی تشکیل ایتگندی."

حسابات گه کوره اولرنینگ اکثری عصیانچیلر هجوملری پیتی هلاک بولگن.

اونده تاکیدله نیشیچه ، یسه مه پارتلاوچی اسکونه لر تابه را کوپراق ایشله تیلماقده و انتحاری هجوم لر ینه ده هلاکت لی راق بوله یاتیر.

بیراق، حسابات گه کوره ، افغانستان حکومتی دستک له گن هوا هجوم لریده هلاک بولگن لر سانی 2011 ییل ده آشگن.

بو اوروش ده افغان باله لری، عیاللر و ایرکک لری هرقچانگیدن هم کوپراق " اولدریلماقده " دیدی بی ام تی کاتبی نینگ مخصوص وکیلی یان کوبیش.

"اوزاق پیت دن بویان اوروش نینگ اینگ قیمت بدلینی عادی افغانستان لیک لر توله ماقده. ماجرا ده قتنه شه یاتگن طرف لر عادی فقرا لر آره سیده 2012 ییلده قربان لر سانی ینه ده آشمسلیگی اوچون اوز سعی حرکت لرینی کیسکین کوچیتریش لری کیره ک."

بیرلشگن ملت لر تشکیلاتی حساباتی گه کوره ، افغان اوروشیده 2007 ییلدن بویان، همه سی بولیب 11864 عادی اهالی هلاک ایتیلدی.

2011 ییلده ایسه " دولت نینگ قوراللی مخالف گروه لری " قربان لرنینگ 2332 نفری یاکی 77 فایز اوچون مسوول بولدی . حساباتگه کوره بو 2010 ییل گه نسبتا 14 فایز کوپراق دیگنی دیر.حکومت کوچلری عملیات لری چاغیده 410 اهالی ( 14 فایز) هلاک بولگن .

اما 279 اهالی اولیمی گه قیسی تمان مسوول بولگنی انیق معلوم ایمس ، دیله دی حساباتده.2011" ییلده، یسه مه پارتلاوچی ماده لرگه افغان باله لری ، عیاللری و ایرکک لری نینگ اینگ ییریک قاتیلی گه ایلندی."

اونده تاکید له نیشچه ، اوتگن ییل گه هوای هجوملر ده 187 عادی فقرا اولدیریلگن بو 2010 ییل گه نسبتا توقیز فایز کوپ دیر.

انسان حقلری بویچه بی ام تی باش کمیساری نوی پیلی نینگ ایتیشیچه ، عادی اهالی اره سیده قربان لر سانی نینگ ییلدن ییل گه ارتیب باریشی "اوته خواطر لی" دیر .