کنروکاپیساده گی هلاک بولگن لر، عادی فقرا بولگن لیگی انیقلنگن

Image copyright Reuters

کنر و کاپیسا ولایت لریده افغانستان حکومتی تمانیدن یوباریلگن تیکشیروچی بیر گروه هیئت، مذکور ولایت لرده ناتو نینگ کیچه ده گی حربی عملیاتیده هلاک بولگن لرنینگ همه سینی عادی اهالی دیب معلوم قیلگن. گزارش لرگه کوره، کاپیسا ولایتیده 8 نفر هلاک بولگن. بولرنینگ اکثریتی آلتی دن تا اون آلتی یاشی گه بولگن باله لر ایکن لر. شو نینگ دیک کنر ولایتیده گی هلاک بولگن لر، توقیز کیشی ایکن. بو جمله دن ایککی نفری مشکوک تانیلیب، باشقه سی ایسه عادی اهالی بولگنی بیلگی لنگن. افغانستان حکومتی تمانیدن کنر و کاپیسا ولایت لریده یوباریلگن بیر هیئت گروه گه کوره، ناتو کوچلری مذکور ولایت لرنینگ ایچکی کوچلری بیلن مصلحت قیلمه ی هوایی هجوم یولگه قویگن لر. مذکور هیئت، اولوسی جرگه نینگ بیر قنچه ملت وکیل لری، مدافعه و ایچکی ایشلر وزیرلیگی نینگ نماینده لری، شو نینگ دیک خوف سیزلیک و محلی ارگان لر اداره لری نینگ نماینده لریدن عبارت بولگن. تیکشیروچی مخصوص هیئت نینگ معلوم قیلیشیچه، خارجی کوچلر کاپیسا و کنر ولایت لریده عادی اهالی هلاک بولگنی نی تایید قیلیب، مذکور حربی عملیات نی ناتوغری معلومات لر اساسیده یولگه قویگن لیک لرینی بیان قلگن لر. کاپیسا ولایتی ده کیتگن حکومت هیئتی نینگ باشلیغی محمد طاهر صافی گه کوره، کاپیسا ولایتی نینگ نجراب اولوسوالیگی ده فرانسه لیک لر تمانیدن اولگن باله لر آلتی دن تا اون آلتی گه قدر یاش لری بولگن. او، هلاک بولگن لرنینگ رسم لرینی هم رسانه لر نماینده لریگه کورسه تدی. " اوتمیش لرده طالبان عصیانچیلری قریب توقسن فایز افغانستان توپراغینی قولگه کیرتگن ایدی کاپیسا و پروان هم طالبان تمانیدن اشغال ایتیلدی ، اوشبو منطقه ده فرانسه لیک کوچلرنی ادعا قیلیشچه اول دن شوپله گه چه اصلا طالبان عصیانچیلری یوق ایکن. ونه اولر بومنطقه ده کیلیشگه قادیر بولگن. چونکی مردم اولرگه یخشی قره شمیدی.اما بوکوچلر طالبان عصیانچیلری بو منطقه ده جایلگن و اولرنی مهمات انبارلری موجود دیب حربی عملیات یولگه قویگن لر." شو نینگ دیک، کنر ولایتی ده گی حکومت هیئتی نینگ باشلیغی مولوی شهزاده هم مذکور ولایت ده امریکا لیک لر حربی عملیاتیده توقیز کیشی هلاک بولگنی نی ایتیب، بو جمله دن ایککی نفری مشکوک دیه کورسه تیلگنی نی معلوم قیلدی. " کیچه تماندن چیت ایلیک کوچلر هوا آرقه لی اهالی اوینی محاصره قیلگن پیت تینچ فقرا قورقیش لریدن اوزلرینی خوفلی بیرمکانده یاشره دی. شو زمانده بو کوچلر عملیاتنی باشلیدی بیرقشلاق ده اوشبو کوچلر بیرعاییلدن بولگن تورت کیشی نی رحم سیزلیک بیلن قتل ایتگن. شونینگ دیک بیراته بیراوغلی وایککی جینی بیلن همده بیرکیشی خاتینی بیلن و باشقه بیرتینچ فقرا هلاک ایتیله دی توپلم یتتی تینچ فقرا قربان بولگن." شونده ی بیرحالتده، مدافعه، ایچکی ایشلر وزیرلیگی و استخبارات اداره سی نینگ نماینده لری هم ناتو عملیاتی اوز خودیمچه لیک بیلن یولگه قوییلگنی نی معلوم قیلدی لر. مذکور خوف سیزلیک رسمیلر گه کوره، مملکت نینگ هر بیر ولایتی ده افغان خوف سیزلیک کوچلری نینگ قوشمه بیر مرکزی بار، لیکن ناتو کوچلری مذکور مرکز لر بیلن مصلحت قیلمه ی حربی عملیات نی عملگه آشیرگن لر. کنر یشاوچی لری عادی اهالی امریکا لیک کوچلر تمانیدن هلاک ایتیلگنی اوچون نیچه مرته، ناراض لیک نمایش یولگه قویگن لر. شو نینگ دیک کاپیسا مردمی هم عادی اهالی نینگ قتل ایتگن خارجی کوچلر محکمه گه تارتیلیشی نی طلب قیلگن لر. خارجی کوچلر تمانیدن اوتگن نیچه ییل دن بیری کیچه تمانیدن هوایی حربی عملیات یولگه قوییلیشی توغری سیده افغانستان دولتی و مردمی جدی قرشی لیک کورسه تگن. هرچند، خارجی کوچلر، عصیانچی لر قرشی سیده کیچه تمانده گی حربی عملیات یولگه قوییشی نی ایجابی تأثیری بارلیگی دن سوز یوریتسه ده بیراق افغانستان حکومتی ایسه مذکور عملیات توخته ییشی نی طلب قیلیب کیلگن. باشقه تماندن، عصیانچی گروه لر خارجی کوچلر بیلن مقابله قیلیش لریده عادی اهالی دن قلقان صفتیده ایش آلیش لری هم ایتیلماقده.