تورت وزیر، مالیه وزیرلیگی نینگ بودجه حقیده گی حساباتینی رد ایتدیلر

جواب گرلیککه چقریلگن تورت وزیر، مالیه وزیر لیگی نینگ بودجه حقیده پارلمان گه یوبارگن حسباتینی ردایتدیلر.

عدلیه ، ترانسپورت، قاچقین لر، حج اوقاف وزیرلری ییللیک بودجه سینی مصرف قیله آلمه گنی اوچون بوگون اولوسی جرگه نینگ عمومی یغینده چقریلگندی. اوشبو وزیرلر مالیه وزیرلیگی نینگ حساباتی گه کوره قرق فایزدن یوقاری بودجه لرینی مصرف قیلیشی گه قادیر بولمه گنلر.

شونینگ دیک مالیه وزیرلیگی باشقه اون وزیرلیک هم 1389. ییل ییللیک بودجه سینی قرق فایزدن یوقاری مصرف قیله آلمه گنینی معلوم قیلگندی.

اولوسی جرگه اوتگن هفته بو تورت وزیر قوشیمچه ییللیک بودجه سینی قرق فایزدن یوقاری صرفله آلمه گن بوتون وزیر لرنی جواب گرلیککه چقریلیشینی تصدیق له دی.

مالیه وزیرلیگی حساباتیده عدلیه وزیرلیگی قرق فایز ، حج اوقاف وزیرلیگی 32 فایز ، قاچقین لر وزیرلیگی 36 فایز وترانسپورت وزیرلیگی هم 32 فایز ییللیک بودجه سینی صرف قیلیشی قادیربولگنی ایتیلگن.

اما بوگون عمومی یغینده چقریلگن تورت وزیر هم بو حساباتنی رد ایتیب هربیری التمیش فایزدن یوقاری بودجه سینی صرف قیلگنینی ایتدیلر.عدلیه وزیری حبیب الله غالب بوحقده شوندی دیدی" بیزنینگ بودجه میز، تورت میلیون ایککی یوز سکسن مینگ دالر دیر.قیلگن جرجتی میز اوچ میلیون اوچ یوز مینگ دالردن ارتیق بو ایسه 56 فایز بودجه نی صرف لنگنینی کورسه ته دی".

یغینده چقریلگن ترانسپورت وزیری داود علی نجفی هم ییللیک بودجه دن التمیش ایککی فایز صرف لنگنینی ایتدی ،همده قاچقین لر وزیر جماهیر انوری و حج اوقاف وزیری یوسف نیازی هم آلتمیش فایزد ن ارتیق ییللیک بودجه لرینی صرف قیلگنی خصوصیده معلومات بیردیلر.

لیکن شوندی بولسه بو تورت وزیر نینگ بیرگن جواب لری اکثریت ملت وکیللرینی قانیقترمه دی ،شو باعث اولر بو وزیرلر قوشیمچه ییللیک بودجه سنی صرفله آلمه گن وزیرلرنی استیضاح بولیشی قرار النیشینی ایلگری سوردیلر.

افغانستان مالیه وزیرلیگی بودجه توغریسیده پارلمان گه یوباریلگن حسابات نینگ توغری اتب اوشبو حسابات گه قول اوریلمه گنینی ایته دی، اما بوگون جواب گرلیککه چقریلگن تورت وزیر ییللیک بودجه دن تشقری یاردمچی ممکت لر تمانیدن بیریلگن مالی یاردم لر رواجلنتریش بودجه گه کیرتیلمه گنینی تاکیدلب اوتدیلر.