بگرام ده قرآن گه حرمت سیز لیک بولگن اعتراض بیلن ناراض لیک نمایش یولگه قوییلدی

Image copyright AFP

کابل شمالی ده جایلشگن امریکا لیک لرنینگ حربی قرارگاهی یانیده، قرآن شریف گه مذکور قرارگاه ایچیده حرمت سیزلیک بولگن اعتراضی بیلن، مینگ لب کیشی نارضلیک نمایش یولگه قویدیلر.

مذکور نمایش، بیر قنچه گزارش لرترقه تیلیشی آرتیدن که گویا، بیر قنچه مذهبی کتاب لر جمله دن قرآن نسخه لری مذکور قرار گاه دن تشقریده تشله نگن، عملگه آشیریلگن.

شونده ی بیر حالده، ناتو کوچلری نینگ باش قوماندانی، جنرال جان آلن، مذکور گزارش لر توغری سیده جدی تیکشیریش ایشی یولگه قوییلیشی نی ایتیب ، مذکور حادثه خصوصیده افغانستان مردمی دن عذر سوره گن.

بو نمایش چیلر انچه غضبلنیب، نیچه ساعت، بگرام قرارگاهی نینگ ایشیگی نینگ یانیده یغیلیب، بیر قنچه موتر تایر لری نینگ هم اوتگه توتیب، امریکالیک لر قرشی سیده شعار بیرریدیلر.

شو نینگ دیک اولر، بگرام قرارگاهیگه قره ب، تاش آتریدیلر.

بگرام پولیسی نینگ قوماندانی عبدالحفیظ متوکل، بی بی سی بیلن بولگن صحبتیده، بگرام قرارگاهیدن تشله نگن بیر قنچه مذهبی کتاب لر جمله دن قرآن کریم نسخه لری مرکز کابلگه انتقال بیریلگنی نی معلوم قیلدی.

"بو ییرده کویدیریلگن، قرآن شریف لر بار، 8 جلد نی بو ییرده کیلتیرگن لر، بیر قنچه سی هم ایچکریده قالگن. شو اوچون، پولیس نینگ شمشاد حدودیده گی قوماندانی همده، محلی کینگاش باشلیغی، پروان، امنیه قوماندانی، شو نینگ دیک، بگرام تومنی نینگ اولوسوالی، قرارگاه ایچکریسیده باریب، قالگن قرآن کریم نینگ حراست قیله یاتگن آلتی وطن داش لریمیز بیلن قوشیمچه، چیقرسه لر. دیب ایتدی، بگرام نینگ پولیس قوماندانی."

بیر قنچه گزارش لرگه کوره، قرآن اوتگه آلینیشی نی بگرام ده ایشله یاتگن، افغان ایشلاوچی لر متوجه بولگن.

مذکور مذهبی کتاب لر، ضروری بولمه گن کتاب لر و ورق لر اورته سیده موجود بولیب، تشله نگنی هم ایتیله دی.

اما ناتو نینگ باش قوماندانی جنرال جان آلن مذکور حادثه هیچ بیر زمان عمدی ایمس ایکن لیگی نی معلوم قیلگن.

جنرال آلن نینگ معلوم قیلیشیچه، مذکور کتاب لرنینگ تیشله یشی توخته گن، شو نینگ دیک اولر مذکور کتابلرنینگ یغیشیگه حرکت قیلگن لر.

" مین بو عمل اوچون، یوره ک دن عذر سوریمن، افغانستان جمهور رییسی دن، ملی اسلامی جمهوریت، شو نینگ دیک همه دن مهم افغانستان نجیب خلقی دن عذر سوریمن."

آلن جنابلری، مذکور حادثه توغری سیده جدی تیکشیریش ایشینی یولگه قوییشینی ایتیب، بونده حادثه کیله جککه تکرار بولمس لیگی نی سوز بیرگن.

خود شو کبی حادثه لر افغانستان بویلب، ناراض لیک نمایش لرگه سبب بولگن، شو نینگ دیک بیر قنچه مورد لرده، مذکور نمایش لر زوراوانلیککه هم ایلنگن.

افغانستان مذهبی بیر اولکه صفتیده، افغانستان ایچکری سیده یا ده خارجی مملکت لرده دینی مسئله لرگه حرمت سیزلیک گزارشی ترقه تیلشی بیلن مردم جدی قرشی لیک کورسه تگن.