رای آلیش اوچون توقیز نامزد وزیر رسما پارلمان گه تانشتریلدی

Image copyright .

افغانستان جمهوررییسی نینگ ایککینچی اورین باسری کریم خلیلی توقیز نامزد وزیر نینگ اولوسی جرگه آلیب باریب، اولرنینگ ملت وکیللرگه تانشتیردی.

پارلمان گه یوباریلگن مذوکور وزیرلرنینگ بیرقنچه سی، ایککی ییل دن بیری حکومت چوکاتیده، وقتینچه لیک وزیر صفتیده ایشله ب کیلگن لر. شو نینگ دیک ینه بیر قسمی ایسه، ملت وکیل لردن 50 جمع بیر رأی نی قولگه کیریته آلمه گن ایدیلر.

مذکور وزیرلر، جاری هفته ده، وظیفه وی ریجه لرینی معلوم قیلیب، شونینگ دیک ملت وکیل لر اولر گه آواز بیریشی باشلیدی.

قریب ایککی ییل دن بیری، افغانستان حکومتی نینگ توقیز وزیری، پارلمان نینگ آوازی نی آلمه ی، ایشله ب تورگن ایدیلر. اما مذکور وزیر لر بوگون جمهور رییس کرزی اورین باسری محمد کریم خلیلی تمانیدن ملت وکیل لرگه تانیشتیریلدی.

" تانیشتیریلگن مذکور نامزد لر، ایشلرینی یخشی شکلده بجریش، همده درایت و شایسته لیک لری بولگنی اوچون، سیز افغانستان خلقی نینگ نماینده لری تمانیدن اعتماد آواز آلیشی امیدیده من.

شو نینگ دیک، بوندن آلدینکی وزیرلر نینگ اولکه لری اوچون چیکگن زحمت لری و سعی و حرکتلریدن هم منت دارچیلیک بیلدیره میز. همده بو امید ده میز که بو شخص لرنینگ کوچ و قوت لریدن باشقه ییرلرده فایده لنسک."

بو توقیز کیشی ینگی وزیر صفتیده مملکت پارلمانی گه تانیشتیرلگن کیشی لرنینگ تورت کیشی سی ینگی شخص لر اما قالگن بیش کیشی سی ایسه، ایککی ییلدن بیری وقتینچه لیک وزیر صفتیده ایشله ب، ینه هم کرزی جنابلری تمانیدن پارلمان دن آواز آلیش مقصدیده تانیشتیریلگن.

بیر قنچه ملت وکیل لر، مذکور نامزد وزیرلر تورلی شخصیت لری بارلیگی نی ایتیب، لیکن بولرنینگ اکثریتی ایش قیلیش قابلیتی گه ایگه ایکن لیگی نی ایته دیلر.

اولوسی جرگه اعضا لریدن عرفان الله عرفان بونده ی دیدی:" افغانستان نینگ موجود بحرانی گه قرگنده، بونگه هیچ شک و شبهه یوق که افغانستان خلقی اینیقسه پارلمان نماینده لری نینگ قانیقتیره یاتگن بیر کامل آدم تاپیلسه، لیکن مینیمچه، بو توقیز کیشی معرفی بولگن لر مابینیده، یخشی شخص لر، متخصص شخص لر موجود لیگیگه ایشانچیم بار."

مذکور توقیز نامزد وزیرلر اولوسی جرگه اعضا لری تمانیدن، مثبت یا ده رد آوازی نی آلیش لری، جاری هفته ده عملی بولیشی کوتیله دی.

سو و وبرق وزیرلیگیگه، محمد اسماعیل، مخابرات وزیرلیگیگه انجنیرامیرزی سنگین، عامه ساغلیک وزیرلیگیگه، خانم داکتر ثریا دلیل، عیال لر وزیرلیگیگه خانم داکتر حسن بانو غضنفر، نامزد بولگن لر. شو نینگ دی، عالی اوقویورت وزیرلیگیگه داکتر عبیدالله عبید، قشلاق لرنینگ رواجلنتیریش وزیرلیگیگه ویس احمد برمک، ترانسپورت وزیرلیگیگه داود علی نجفی، شهرسازلیک وزیرلیگیگه حسن عبدللهی و عامه منفعت لر وزیرلیگیگه انجنیر نجیب الله اوجن نامزد بولگن لر.

اما بو توقیز وزیرلر شونده ی بیر حالده حکومت تمانیدن اولوسی جرگه ده تانیشتیریلگن که باش قاره لاوچیلیک باشلیغی، مملکت باش محکمه سی نینگ رییس و اعضا لری شو نینگ دیک، قیزیل آی اداره سی نینگ رییسی حاضرگه قدر حکومت تمانیدن خلق نماینده لریگه تانیشتیریلمه ی ایشلریگه دوام بیرماقده لر.

خود شو مقاملر کرزی جنابلری تمانیدن ایککی ییل دن بیری اولوسی جرگه گه تانیشتیریلمه گن لری، حکومت و پارلمان آره سیده گی علاقه لرگه منفی تاثیر قالدیرگن ایدی.