امریکا ایلچیسی: یاردم لرمیز توخته میدی

Image copyright BBC World Service

امریکا نینگ کابلده گی ایلچی سی رایان کراکر، ایککی امریکا لیک ضابط هلاک ایتیلیشی امریکا نینگ افغانستان گه بیره یاتگن یاردمی گه تاثیر قالدیر مسلگینی ایتدی.

بگرام حربی قرار گاهی ده قرآن شریف گه حرمت سیزلیک بولگن اعتراضی بیلن نیچه کون لیک نارض لیک نمایش لر آرتیدن، بیر قنچه خارجی رسانه لر مذکور ناراض لیک نمایش لردن بیش کون اوتیشی دن کیین، کرزی مردم نینگ آشایسته لیککه دعوت قیلگن دیب تنقید آستیده آلگن ایدیلر.

اما امریکا نینگ افغانستانده گی ایلچی سی ایسه، کرزی آلگن موقف دن آرقه داش لیک بیلدیریب، جمهور رییس کرزی ناراض لیک نمایش لر باشلنیشی دن مردم نینگ آشایسته لیککه دعوت قیلیش اوچون سعی قیلگن دیب معلوم قیلگن.

امریکا نینگ ایککی ضابطی ایچکی ایشلر وزیرلیگی محوطه سیده اولدیریلیشی خارجی رسانه لرگه جدی بحث لرگه ایلندی. خودی شو مسئله باعث بیر قنچه کوزه توچیلر، افغان و خارجی کوچلر آره سیده ایشانچ سیزلیک اورته گه کیلیشی دن هم سوز یوریتدی لر. اما امریکا نینگ کابلده گی ایلچی سی رایان کراکر افغانستان ده نیچه کون دن بیری یولگه قوییلگن ناراض لیک نمایش لر نینگ اداره قیلیش اوچون افغان پولیسی دن رضایت بیلدیریب، حتی که بو پولیس لر جان قمیتی بیلن امریکا تاسیسات لرینی سقله گن لیک لری نی ایتگن.

شونده ی بیر حالده، بگرام ده قرآن شریف کویدیریلیشی و ایککی امریکا لیک هلاک ایتیلیشی آرتیدن، امریکا و افغانستان آره سیده گی رابطه لرنینگ یمانلش گن خواطر لر هم یوزه گه چیقدی.

سیاسی تحلیل چیلردن اسدالله ولوالجی هم ایکی امریکالیک هلاک ایتیلیشی اوچون امریکا منطقه ده اینیقسه افغانستان دن قولگه کیلتیره یاتگن منفعت لری نی هیچ بیر زمان قولدن بیرمس لیگی نی ایتدی.

ولوالجی شونگه قوشیمچه قیلیب، نیچه کون دن بیری افغانستان نینگ نیچه ولایتی ده یولگه قوییلگن ناراض لیک نمایش لرده منطقه استخباراتی نینگ قولی بارلیگی نی معلوم قیلدی.

شو نینگ دیک، امریکا نینگ کابلده گی ایلچی سی، پاکستان ده جایلشگن عصیانچی لر پناه گاه لری توغری سیده جدی خواطر بیلدیری، باشقه بیر اولکه ده مستقر بولگن بیر دشمن نینگ بو ییرده مغلوب قیلیشی انچه قیین ایکن لیگی نی ایتگن.

کراکر جنابلری، عصیان نچی لرنینگ پناه گاه لرینی یوق ایتیش اوچون، پاکستان، افغانستان و ناتو بیرگه لیککه سعی و حرکت قیلیشی لازم لیگی نی هم معلوم قیلگن.

بو مسئله نیچه کون آلدین هم کابلده گی امریکا ایلچیلیگی تمانیدن یاشیرینچ بیر گزارش شکلده امریکا حکومتیگه یوباریلگن ایدی اما رسانه لرگه هم چیقتدی. شونده ی بولسه هم، مذکور ادعا پاکستان رسمیلری تمانیدن هر دایم رد ایتیلگن.