کوبیش: قندوز ده گی ایش خانه میز گه هجوم قیلگنلرصلح دشمنلری

Image copyright AFP

بیرلشگن ملت لر تشکیلاتی، اوتگن هفته قندوز ده گی ایش خانه سی گه اوییشتریلگن هجوم گه ایریم تحریک لر سبب بولگنینی ایتدی.

اوتگن هفته قرآن شریف نسخه لرینی یاندریلشی گه قرشی ناراضیلیک نمایش اویشترگن شخص لر یونامان نینگ قندوزده گی ایش خانه سی گه هجوم قیلیب شو باعث یوناما اوز ایشچیلرنی الیب چیققن ایدی.

بیرلشگن ملت لر تشکیلاتی نینگ قندوزده گی ایش خانه سیده اویشتریلگن هجوم دن بیش کون اوترایکن، اوشبو تشکیلات نینگ مخصوص وکیلی حادثه تینچلیک دشمنلری تمانیدن اویشتریلگن دیب اورغوله دی.

بوگون خبرنگار لر بیلن اوچره شگن یان کوبیش جناب لریگه کوره نمایشچیلر اره سیده بولگن ایریم شخص لرتحریکی اساسیده نماییش زوروانلیککه ایلنگن.اما شوندی بولسه هم یان کوبیش بیرلشگن ملت لر تشکیلاتی نینگ افغانستانده گی فعالیت گه هیچ قندی اوزگریش کیلمه یشینی تاکیدله دی." بو نمایش گه قوشیلگن شخص لر ایشی ایمس ایدی، بلکه بو حادثه نمایشچیلر اره سیده بولیب مردم نینگ تحریک قیلگن شخص لرگه عاید، اولر، مردم نینگ تحریک قیلیب زوروانلیک یوزبیریشینی ایستدیدی. هجوم دن کیین بیز قندوزده گی ایشچی لری میزنی وقتینچه لیک چیقاریش قرارینی الدیک اما حاضر هم قندوزده گی ایش خانه میز اچیق، بیز قندوزنی ترک ایتمی میز، بیز افغانستاننی ترک ایتیشینی ایسته می میز، ".

شونینگ دیک کوبیش جنابلری قندوزده گی ایش خانه گه مردم نینگ نیگه هجوم قیلگنی انیق له نیشی اوچون تیکشرو اوتکزیلیشی کیره ک لیگینی تاکیدله دی. همده او، وضعیت یخشی بولیشی بیلن بیرلشگن ملت لر تشکیلاتی ایشچیلرینی قندوزگه قیتیب باریشینی سوزبیردی.

باشقه تماندن بیرلشگن ملت لرتشکیلاتی نینگ مخصوص وکیلی صلح پروسه سی توغریسیده صحبت قیلیب، افغانستان، پاکستان و ایران جمهوررییس لری نینگ سونگی اوتکزگن اوچ تمانله مه مذاکره لرینی ایجابی دیب بهاله دی. اما کوبیش جنابلری بیرلشگن ملت لر تشکیلاتی اون ییللیک یوتوق لر صلح پروسه سی قربانی بولمس لیگیگه ایشانچ قولگه کیرتیش اوچون سعی قیله یاتگنینی ایتدی.

الدین کوبیش جنابلری صلح پروسه لری افغانلر رهبرلیگی استیده یولگه قوییلیشینی تاکیدلب، صلح اوچون هرقندی سعی حرکت افغان لر رهبرلیگی بیلن عملگه اشریلمه سه موفقیت گه ایریش مسلیگینی ایتگندی.

اوتگن بیرنیچه ییل ده بیرلشگن ملت لر تشکیلاتی افغانستان نینگ سیاسی اوزگریش لریگه اساسی رولنی اوینب کیلگن بو تشکیلات، دولتی ارگان لرنی کوچیتیریش اوچون یاردم بیریش یانیده، افغانستان و دنیا جماعت چلیگی اره سیده گی هماهنگ لیک لرنی کوچیتریش اوچون هم کتته اورین گه ایگه.