کرزی: امریکا بیلن مذاکره لر دوامی بار

Image copyright president.gov.af

افغانستان جمهور رییسی حامد کرزی امریکا بیلن اوزون مدتلی ستراتیژیک علاقه لر نینگ امضا قیلیشی توغری سیده گی بحث لریخشی شکلده ایلگری کیتیشی نی معلوم قیلگن. هرچند جمهور رییس کرزی بو خصوص ده کوپ معلومات بیریش دن باش تارتگن لیکن امریکا نینگ کابلده گی ایلچی سی بیلن صحبت قیلگنی نی ایتگن. کرزی ینه هم بگرام قماق خانه سی نینگ مسوولیتی افغان لرگه بیریلیشی و خلق ارا کوچلرنینگ کیچه تمانده گی حربی عملیاتی توخته لیشی مذکور مذاکره لرنینگ اساسی شرط لریدن دیب معلوم قیلگن. بوندن آلدین امریکا و افغانستان دولت لری آره سیده گی بحث لر، افغانستان نینگ مذکور ایسته ک لری اوچون تعلیق گه توشگنی ایتیلگن ایدی. شونده ی بیرحالده، افغانستان جمهور رییسی حامد کرزی، ینه بیر مرته بگرام قماقخانه سی نینگ مسوولیتی افغانلرگه بیریلیشی و ناتو نینگ کیچه تمانده گی عملیاتی توخته ییشی اوستیده تاکید قیلدی. اما امریکا بیلن اوزون مدتی لی ستراتیژیک علاقه قوریشی توغری سیده بحث لر جریانی بارلیگی دن سوز یوریتدی. "امریکا بیلن ستراتیژیک علاقه قوریش اوچون بیر یریم ییل دن بیری امریکا لیک لر بیلن گپله شماقده میز. اخیرگی هفته ده، بو مذاکره لر توغری سیده ایلگری کیتگن میز. توناون هم مذاکره قیلدیک و بیر قنچه سوال لریمیز باریدی و آچیق نرسه لرنی طلب قیلدیک. مذاکره لرگه یوتوق لر اورته گه کیلگن شو نینگ دیک افغانستان مذکور یوتوق لرنی کوپه یتیریش اوچون سعی قیلماقده. بیز ایشانچی میز کامل بولیشی اوچون مذاکره لرنی دوام بیرماقده میز. همده بیز اوزیمیز ایسته گن نتیجه گه ایریشیش اوچون امید بیلدیره میز." کرزی جنابلری شونگه قوشیمچه قیلیب، امریکا و افغانستان آره سیده گی مذاکره لرده هر ایککله مملکت منفعت لری نظرگه توتیشی بیلن سعی و حرکت لر یولگه قوییلیشی نی ایتدی. افغانستان دولتی تمانیدن یولگه قوییلگن لویه جرگه آرتیدنمذکور حکومت امریکا بیلن علاقه قوریش اوچون، بگرام قماق خانه سی نینگ افغان لرگه تاپشیریلیشی و ناتو نینگ کیچه تمانده گی عملیات لری توخته ییشی اساسی شرط لردن دیب کورسه تیلگن. اما امریکا و ناتو ایسه بو شرط لرگه اونچه لیک موافق بولمه گن. امریکا دولتی ، بو ایککی مسئله آهسته لیک بیلن عملی بولیشی یخشی دیر دیب معلوم قیلگن.