تورکی سریال لرگه افغانستان خلقی نینگ قیزیقیشی

سونگی پیت لرده افغانستان تلویزیون لریده، خارجی سریال لر ترقه تیلیشی انچه کوپه یگن. مذکور سریال لرنینگ اکثریتی تورکیه ده تیارلنگن سریال لر دن عبارت. اما تورک سریال لرنینگ یانیده، امریکا، جنوبی کوریا و هندوستان سریال لری هم مملکت ده نمایش بیریله دی. افغانستان ده اوتگن نیچه ییل دن بیری خصوصی تلویزیون لر سانی کون سه یین کوپه ییب کیتیشی بیلن، مذکور تلویزیون لر نینگ اکثریتی خارجی سریال لرنی افغانستان ده گی تیل لریده دوبله قیلیب ترقه تیب کیلماقده. قدیم دن افغانستان ده هندوستان فلم لری و سریال لری کوزگه کورینرلی درجه ده رواجلنگن اما اوتگن بیش ییل دن بیری هندی سریال لر اورنینی ترکی سریال لر ایگلله گن. مردم گه کوره، تورک سریال لری نینگ موضوع و محتوا سی هندوستان یا ده باشقه مملکت لر سریال لریگه قره گنده افغانستان فرهنگ وعنعنه لری بیلن انچه یقین بولگن.

افغانستانده نمایش بیریله یاتگن تورکی سریال لر تورلی جهت دن فرقلی، بیر قنچه سی دینی مسئله لر توغری سیده کوز قره تگن بولسه ینه هم بیر قنچه سی ایسه، ایرکین راق شکلیده بیراز اچیق صحنه لر بیلن عایله وی مناسبت لر و انسان لرنینگ کون ترتیبی ده تورگن قینچلیک لری کبی موضوع لرنی عکس ایتیرگن. اما بوندن بیر نیچه آی مقدم افغانستان رسانه لری نینگ نظارت قیلوچی دولتی اداره مذکور تورکی سریال لر نینگ بیرینی انچه آچیق صحنه سی بولگنی اوچون ترقه تیلمس لیگیگه قرار چیقاردی. شونده ی بولسه هم مذکور سریال لر کینگ شکلده مملکت تلویزیون لر تمانیدن ترقه تیلیب کیلینماقده. اما بونگه قره مسدن، افغانستانده حیات کیچیره یاتگن تورک یشاوچی لری هم مذکور سریال لرنینگ افغانستان تلویزیون لریده تماشا قیلیشی دن انچه خرسند لیک بیلدیره دیلر. تورکی رسانه لرده فعالیت قیله یاتگن مصطفی دیوه جی، دینی مسئله لر توغری سیده بخشله نیب تیارلنگن تورک سریال لرگه افغان خلقی نینگ قیزیقیشی کوپ بولگنینی ایته دی. مصطفی دیوه جی، افغان مردمی باشقه مملکت لرنینگ سریال لریدن کوره تورک سریال لریگه قیزیقگن لریدن خرسند لیک بیلدیره دی.

تورکی سریال لرنی خصوصی تلویزیون لردن ترقه لیب کیلینه یاتگنی نه فقط عادی خلق بلکه دین عالم لری تمانیدن هم خوش قرشی لنگنی ایتیله دی. اوتگن اون ییل جریانیده افغانستانده سوز ایرکین لیگی و رسانه لر فعالیتی انچه کینگه ییب کیتگن. لیکن شوندی بولسه هم افغانستانده قطار سریال ایشلب چیقاریش ریجه لری اونچه لیک ایجابی توشمه گن شوباعث هم اکثری تلویزیون لر خارجی سریال لرنی ترقه تیب کیلماقده. بیر قنچه افغان صنعتچی لری ایسه اگرده دولت افغان سینما صنعتچی لریگه یاردم بیرسه، مردم خارجی سریال لرنی تماشا قیلیش اورنیده اوز سینماچیلری تمانیدن فرهنگ لریگه ماس تیارلنگن سریا لرگه کوپراق قیزیقیش لری ممکن لیگینی ایته دیلر.