ایمل فیضی: افغان هیاتی طالبان محبوس لری بیلن اوچره شگن

Image copyright Getty Images

افغانستان ریاست جمهورلیک سرای گه کوره بیرگروه هیات گوانتانامو قماقخانه سی گه باریب، قطرگه انتقال بیریلیشی کوتیله یاتگن طالبان محبوس لری بیلن اوچره شگن.

اوشبو هیات بوندن قریب بیرهفته آلدین کیوباده جایلشگن گوانتامو قماق خانه سیگه بارگن ایکن لر.

افغانستان ریاست جمهورلیک سرای سوزچیسی ایمل فیضی گه کوره سفر قیلگن هیات، گوانتانامو قماقخانه سیده بولگن طالبان نینگ بیش اعضاسی بیلن اوچره شیب اوشبو محبوس لرنی قطرگه آلیب باریلیشی خصوصیده فکر لری اورگه نیلگن. فیضی جنابلرینی ایتیشیچه محبوس لر قطرگه اوز عاییله لری بیلن بیرگه انتقال بیریلیشیدن خرسند لیک بیلدیرگنلر.

مذکور هیات ترکبیده ریاست جمهورلیک سرای نینگ تشقی پالیسی مصلحت چی سی سپین زاده و ملی امنیت شورا سی نینگ اورین باسری شیدا محمد ابدالی موجود لیگی بیلگی لنگن.

شونده ی بیر حالده امریکا قوشمه ایالت لری رسمیلری ایسه افغان هیاتی نینگ امریکا گه کیلیش لری نی تایید قیلگن لر اما کیوباده گی گوانتانامو قماق خانه سیگه باریش لری توغری سیده هیچ نرسه ایتمه گن لر.

طالبان گروهی نینگ گوانتانامو ده گی مذکور بیش محبوسی نی قطرگه انتقال بیریلیشی اوشبو گروهی بیلن مذاکره الیب باریش اوچون اساسی رولی بارلیگی تاکیدلنگندی.

مذکور محبوس لر اینگ آز اون ییل نی گوانتانامو قماق خانه سیده اوتکزگن لر. شو نینگ دیک یقین زمان ده مذکور شخص لر قطر اولکه سی گه انتقال بیریلیشی هم ایتیلماقده.

هرچند نیچه آی دن بیری طالب محبوس لری آزاد ایتیلیشی باره سیده بحث لرنینگ جریانی بار لیکن حاضر هم اولر نینگ قطرگه کیلیش لری انیق لنمه گن.

قطر اولکه سی گه آلیب باریلیشی کوتیله یاتگن طالبان گروهی نینگ بیش اعضا سی، ملا فاضل، ملا نورالله نوری، عبدالحق واثق و ملا خیرالله خیر خواه لر ایکن لیگی معلوم قیلینگن.

باشقه تماندن افغانستان تشقی ایشلر وزیری مذاکره مسله لرینی قطر مقام لری بیلن مباحثه ایتیش اوچون یقین کیله جکده قطر اولکه سی گه سفر قیلیشی خبرقیلینگن.