مرکزی بانک اورین باسری: آرین بانک فعالیتی توخته تیلگنی مردمگه تاثیر قیلمه یدی

Image copyright n

ایران حکومتی آرین ناملی الکترونیک بیر بانک نی بیکار ایتگن. مذکور بانک افغانستانده هم نماینده لیگی بار. هرچند مذکور بانک مسوولی بو بانک نیگه بیکار بولیشی دن اگاه ایمس ایکن لیگی نی ایتگن لیکن ایران حکومتی ایسه مذکور بانک بیکار بولیشی نی صادر قیلگن. مذکور بانک بیر ییل دن بیری ایران حکومتی دن فعالیت جوازی نی آلیب، لیکن سرمایه سی ایران نینگ مرکزی بانکی گه قالگن. ایران حکومتی تمانیدن آرین ناملی بانک نی بیکار قیلینیشی افغانستانده هم خواطر توغدیردی. مذکور بانک نینگ بیر نماینده لیگی نیچه ییل دن بیری افغانستانده فعالیت قیله دی. مذکور بانک گه اونلب افغانستانلیک لر نینگ پولی بار. باشقه تماندن کابلده فعالیت قیله یاتگن انگلستان نینگ استندرد چارتر ناملی بیر بانک نی بیکار ایتیلیش خبر لری هم چیقماقده. بو خبر هم افغان لر آرسیده خواطر توغدیرگن. اما افغانستان مرکزی بانکی نینگ اورین باسری خان افضل هده وال ایسه مردم نینگ خواطرگه توشمه سلیک گه چقیرگن. اونگه کوره، یقین کیله جکده مرکزی بانک تمانیدن بیمه نظامی عملی بولیب، بو مسئله ایسه، مردم نینگ پول لری بانک لرگه یخشی سقلنیشی گه ضامن بوله دی. " افغانستانده بیران بانک قیینچلیک گه دوچ کیلگنی توغری سیده هیچ قنده ی بیر نشانه کورینمه گن. باشقه تماندن بیز، مردم نینگ بانک لرگه تاپشیرگن بیمه سی نی ایجاد ایتگن میز. بو مسئله ینگی ایجاد ایتیلگن. اگرده بانک لر قیینچلیک گه قالسه بو طریق دن مردم نینگ امانت لری قولگه کیرته آله میز. بیز افغانستان مالی تیزیمی نینگ نظارت قیلوچی سی میز. مردم نینگ امانت لری یوز فایز مصوون و باشقه بیر بانک گه انتقال بیریله دی. دیب ایتدی مرکزی بانک نینگ اورین باسری." شونده ی بیرحالده، بیر قنچه اقتصاد بیلمدان لر هم مردم نینگ پول لرینی بانک لردن آلیش اوچون بیمه مسئله سی عملی بولیشی اینگ یخشی یول لردن دیب ایتسه لرده بیراق، افغانستان حکومتی حاضر گی شرایط ده بیمه نظامی نینگ تطبیق قیلیشگه قادر ایمس ایکن لیگی نی معلوم قیله دیلر. بو خصوص ده اقتصاد ایش بیلرمان لریدن حمیدالله فاروقی بونده ی دیدی: "تأسف بیلن تجربه کورستدی که مرکزی بانک، تخنیکی جهت دن لازم بولگن ظرفیت گه ایگه ایمس. چون که بانک دارلیک تیزیمی ده گی تخطی لرنی مسوولیت لریگه قرگنده تشخیص قیلیب، آلدینی آله آلمه گن. کابل بانک و باشقه بانک لرنینگ تجربه سی نی بیله سیز که بانکدارلیکگه مجرم بولگن شخص لر قانون دن کوره بلند راق بولگن لر. و مرکزی بانکی میز ایسه حادثه لردن سونگ حرکت قیلگن." افغانستانده ایرکین اقتصاد رواجلنگنی دن اون ییل اوتگن. خود شو مسئله باعث، بیر قنچه سرمایه دارلر و خارجی بانک لر افغانستانده بانکدارلیک فعالیتی نی باشله گن لر. حاضر افغانستانده 17 بانک فعالیت قیله دی. مذکور بانک لرنینگ اوچ ته سی دولت گه تیگیشلی، بیش ته سی هم خارجی بانک لر و توقیز بانک هم ایچکی خصوصی بانک لردن عبارت. مذکور بانک لر آز زمانده مردم مابینیده اعتبار قازه نیب، فعالیت قیلماقده لر. شونده ی بولسه هم ایچکی خصوصی کابل بانک هم نیچه پیت آلدین فساد گه اوچره ب، مردم نینگ جدی خواطرگه سالگن ایدی. شو باعث مذکور بانک مسوولیتی نی دولت اوز ضمه سیگه آلیب، قیته دن ینگی کابل بانک آتی بیلن فعالیتی نی دوام بیرماقده.