قاتیل لیککه عیبلنگن امریکا لیک عسکر افغانستان دن انتقال بیریلدی

Image copyright AP

یکشنبه کونی قندهارده 16 تینچ فقرانی اولدیریش گه عیبلنگن، امریکا لیک عسکر اولکه دن تشقری انتقال بیریلگن.

مقاملر گه کوره بو عسکر گه قرشی قانونی مرحله لر باشقه بیر اولکه ده یولگه قویلیشی ممکن، ایتلیشیچه اوشبو عسکر کویت گه انتقال بیریلگن.

اوشبو امریکا لیک عسکر یکشنبه کونی قندهار ولایتی نینگ پنجوای تومنیده 16 تینچ فقرانی آتیب اولدیرگنی گه عیبلندی.

اوشبو عسکر امریکا مدافعه وزیری لیون پانه تا نینگ افغانستانده گی سفری جریانیده انتقال بیریلگن.

امریکا مدافعه وزیری هلمنده گی امریکا لیک عسکر لرینی کوریش اوچون اوشبو ولایت گه سفر قیلگندی . حاضر کابل گه قیتیب کیلگنی ایتیله دی.

حادثه ده قول اورگن لیگی ایتیلگن امریکا لیک عسکر رسما عیبدار تانیلمه گن.

پنتا گون سوزچیسی سی نینگ ایتیشچه اوشبو عسکر چهار شبنه کون قدر امریکا نینگ حربی قرارگاه سیده سقله نرایکن " حقوقی توصیه لر" اساسیده بو اولکه دن چیقاریلگن.

افغانستان پارلمان کینگاشی بو عملگه قول اورگن امریکا لیک عسکر نینگ اچیق شکلده افغانستانده محاکمه بولشینی طلب قیلگندی.

اما امریکا مقاملری اوز عسکر لری نینگ اوشبو اولکه قانونی اساسیده محاکمه بولیشینی ایتیب کیلماقده.

امریکا مدافعه وزیری پانه تا جنابلری اگرده بو عسکر رسما عیبدار تانیلسه اعدام جزاسی گه محکوم ایتیلیشی ممکن لیگینی ایتگن.