مزارشریف ده نوروز بیرمی جدی خوفسیزلیک تدبیرلری بیلن کوتیب آلیندی

افغانستان شمالیده جایلشگن حضر ت علی کرم الله وجه زیارتگاهی نامی بیلن منسوب مبارک روضه ده مینگلب آدملر قتنشگن حالده نوروز مراسمی قتتیق خوفسیزلیک تدبیرلر آرقه لی طنطنه لی روشده نشانلندی. مراسمگه تورلی اولکه لردن رسمی مهمان لرهم قتنشگن ایدی. بوکونکی رسمی مراسمده سوزیوریتگن، بلخ ولایت حاکمی عطا محمد نور، قولگه کیلگن یوتوق واورنه تیلگن دموکراسی طالبان گروهی بیلن الیب باریله یاتگان تینچلیک مذاکره لر قربانی بولمس لیگی بیلن آگاه لنتردی، همده او تنیقلی کیشی لرنی جانی گه سوی قصد اوشتریب کیلگن عصیانچیلر انیق له نیب محاکمه بولیشینی دولت دن سوره دی. بوکونگی محفل ده حصصه قوشگن افغانستان جمهوررییسی نینگ بیرینچی اورین باسری محمد قسیم فهیم امریکا بیلن استراتیژیک همکارلیک بیتیمی نی یقینده امضاله نیشدن خبربیردی. عینی حالده او، بو بیتم امضاله نیشی خصوصیده قوشنی اولکه لرنی خواطیربیلدیرمسلیک لریگه چقیردی.

عیاللراشتراکی

بوییل هم باشقه ییللرسینگری عیاللرکوزگه کورنرلی درجه بیرمگه قتنشگن ایدیلر.عیاللر افغانستان نینگ تورلی حدودلری خصوصا قوشنی ولایت لریدن نوروزبیرمی اوچون قتنشگن ایدیلر. اکثری عیاللر نوروز بیرمیگه ایزگونیت لریورکلریده گی تیلک و ایستگی لری اوچون مزار شریف شهریده کیلیشه دی. اولرنی اکثری هرییللی اشبو کونده اوزعایله اعضالری بیلن کیلشه دی. بوندن تشقری بواکثری عایله لراوچون یخشی دم آلیش کونلری حسابلنه دی.

خوف سیزلیک

خوف سیزلیک دن بولگن تشویش لرآدم لردن کوره، دولت عملدارلری آره لریده کوپلب سیزلردی. ملی خوفسیزلیک اداره سی تمانیدن چیقریلگن خبرگه کوره؛ بوندن ایککی کون مقدم بیش کیشی دن عبارت بولگن عصیانچی گروهی، اوشبو مراسمنی بوزیش اوچون اوزلری بیلن بیرگه کوپ مقدارده گی پارتلاوچی ماده تاشییاتگن پیتده قولگه کیرتیلگن. اونینگ ایتیشیچه؛ منطقه ده گی خبر ییتکزووچی تشکیلاتلر داخل عصیانچی گروهی بیر- بیری بیلن کیلیشگن حالده افغانستانده نوروز بیرمیگه دخل بیریش اوچون اورینیب کیلماقده لر.