بیر افغان ضابطی، ایککی ناتو عسکری نی هلاک قیلگن

Image copyright Reuters

ناتو کوچلری افغانستان جنوبیده ایککی عسکری بیرقوراللی شخص تمانیدن آتیب اولدریلگنی دن خبر بیرگن. ایتیلیشیچه هجومچی شخص افغان ملی اردو کیمی بیلن ناتو کوچلرنی نشان گه توتگن.

ناتو قوت لری تمانیدن ترقتیلگن خبرنامه ده ایتیلیشیچه، بو حادثه مملکت جنوبیده جایلشگن هلمند ولایتی ده یوزبیرگن.

ناتو قوت لراوشبو حادثه ده هلاکت گه اوچره گن ایککی عسکری کیم ایکنینی ایتمه ی لیکن هجومچی افغان عسکر، حادثه محلی ده ناتو قوت لری تمانیدن نشانگه توتیلیب هلاک بولگنی نی بو خبر نامه ده اظهار ایتگن.

هلمند حاکمی سوز لوچی سی داود احمدی هم بو واقعه لشکرگاه پی ارتی سی ده یوزبیرگنی نی تصدیق لب هجومچی شخص افغان ملی اردوعسکری و کنر ولایتی یشوچی سی ایکنی نی تاکیدلشگن.

حاکم سوز لوچی سی بی بی سی نی قندهاردکی مخبریگه بیرگن معلوماتی ده شو نینگ دیک بو حادثه افغان وناتو عسکرلری ارا بیر لفظی جنجال دن کین یوز بیریب ناتو نینگ ینه بیر عسکرهم حادثه عاقبتیده یارلنگنی نی تصدیق لنگن.

بوندن الدین هم نیچه مراتبه افغان عسکرلری، خارجی حربی لرنی نشان گه توتیب اولرنی اولدیرگن دن کین قاچیب کیتیش گه موفق بولگن ایدیلر.

باشقه بیر خبرگه کوره بوکون توش دن الدین ارزگان ولایتی چوره ولسوال لیگی ده آیساف وافغان قوت لریگه قرشی خودکش لیک هجوم یولگه قویلگن.

محلی رسمی لر انتحارچی شخص ایساف و افغان قوت لرینی گیزمه پیتی ده نشان گه توتگنی و اونی عاقبتده تورت کیشی جراحت لنگنی نی ایتگن.

یارلنگن لردن اوچ کیشی ایساف عسکرلری وبیرکشی هم ملی اردو ضابطی بولگن.

طالبان تمانی بو واقعه مسولیتی نی اوز بوینگه الیب بو هجوم عاقبتیده خارجی و افغان حربی لردن اون کشی هلاک بولگنی نی دعوا ایتکن.

شونینگ دیک فاریاب ولایتی پشتونکوت ولسوال لیگی ده یولگه قویلگن بیر عملیات ده دولت مخالف لریگه تلفات یتکزیلگنی ایتلگن.

میمنه شهریده کی ملی اردو قوماندان لیگی سوز لوچی سی محمد رضا رضایی نی بی بی سی مخبرگه بیرگن معلوماتیگه کوره بو عملیات افغانستان و ترکمنستان چیگره سیده جایلشگن غارتیپه منطقه سیده یولگه قویلگن.

سوزلوچی گه کوره عملیات عاقبتیده دولت مخالفی بولگن عصیانچی لردن تورت کیشی هلاک و ایککی کشی جراحت لنگن.

افغان ملی اردو کوچلری و خارجی حربی لر قتنشگن و تیک اوچرلردن قولنلگن بو عملیات ده شونینگ دیک ایککی عصیانچی هم قول گه النگنی ایتلماقده .

غارتپه منطقه سی اخرکی وقت لرده عصیانچی لیک فعالیت لر مرکزگه ایلنیب حتی ازبکستان اسلامی حرکتی قوراللی کوچ لری بو منطقه جایلشگن لیگی دن خبر لر ینگرگن ایدی .