ریجه لشتریلگن قطار انتحاری هجوم لر بیکار قیلیندی

Image copyright Getty

افغانستان مدافعه وزیرلیگی اوندن ارتیق عصیانچینی 11 انتتحاری جلیقه بیلن اوشبو وزیرلیک اطرافیدن قولگه آلینگن دیگن خبرنی رد ایتدی.

اوشبو شخص لر ایسه مدافعه وزیرلیگیگه باغلیق بولگن امنیتی حوزه لردن بیریدن قولگه الینگنی ایتیلماقده.

تصدیق لنمه گن خبر لرگه کوره توتقین گه آلینگن شخص لرنینگ نیچه کیشی سی ایسه مدافعه وزیرلیگی عسکر لری بولگنی ایتیلگن.

انتحاری واسکت لر دوشبنه کونی ، مدافعه وزیرلیگی تشقریسده بولگن اوچ ایری حجر دن قولگه آلینگن.

افغان مقاملری توتقین گه الینگن عسکر لر اوستیدن تیکشروو ایشلری اوتکزیلشینی ایتگن.بیراق افغانستان مدافعه وزیرلیگی بیر خبرنامه ترقه تیب بوخبرنی رد ایتگن.

حاضرگه قدرهم بیکار قیلینگن انتحاری هجوم لردن مقصد نیمه بولگنی انیق لنمه گن لیکن احتمال بیلن مدافعه وزیرلیگی ایشچیلری نینگ موترلرینی نشانگه النیشی مقصد قیلینگن بولیشی ایتیلماقده.

قولگه آلینگن شخص لرآره سیده افغان عسکرلری بارلیگی، عصیانچی لرنی افغان کوچلری اره سیده نفوذ قیلگن دیگن خواطرلرنی کوچیتیره دی.

سونگی پیتلرده افغان عسکر لری نینگ خارجی کوچلرگه قره ته اوق آچیشی کوپلب کوزه تیلماقده .

اوتگن کون، افغانستان نینگ جنوب وجنوب شرقیده ایککی ایری حادثه ده افغان ملی اردوکوچلری کیمیده بولگن بیرشخص اوچ خارجی عسکرنی هلاک ایتگنی خبرقیلیندی.

هلاک ایتیلگن اوچ چیت ایللیک عسکرلردن بیری امریکا لیک وایکتته سی ایسه بریتانلیک بولیب، هلمند و پکتیکا ولایت لرده گی حربی قرارگاه لریده نشانگه آلینگن.