قاچقین لرنینگ اولکه گه قیتریش اوچون یول یوروق لر کوریب چیقیله دی

Image copyright Fars

افغانستان حکومتی UNHCR یابیرلشگن ملتلرتشکیلاتی نینگ قاچقینلر بولیمی بیلن بیرگه بیریغین اوتکزیب افغان مهاجرلرینی اولکه گه قیتریش اوچون ینگی چاره تدبیر آلنیشدن خبربیردی.

افغانستان تمانی ایسه مذکور هدف گه یریشیش اوچون، ایران و پاکستان اولکه لری بیلن ینگی استراتیژیک بیتمی گه امضا قوییب مذکور پلان نینگ می آیی ده جینوا ده یولگه قوییله دیگن یغینیده افغانستان نی قوللب قوتله یاتگن اولکه لرگه تاپشریلیشی معلوم قیلینماقده.

مذکور استراتیژی ده افغان قاچیقین لری نینگ اولکه گه قیتیب کیلیشی اوچون ایجابی یول یورق لرکیریتیلگنی ایتیلگن، افغانلرمهاجرلری نی وطنلریگه قیتریش استراتیژی سی افغانستان کابینه سی نینگ 10 وزیری همده بیرلشگن ملتلر تشکلاتی نینگ نماینده لر حضوری ده تیکشریلدی.

افغانستان حکومتی مذکور وزیرلیک لردن قاچقیندن کیلگن افغانلرگه یاردم بیریب ایش زمینه لری نی مساعد قیلیشی نی طلب قیلگن، همده مذکور استراتیژی ده بیان بولگن برنامه لرنی هم عملی بولیشی نی ایسته گن لیگی معلوم قیلنه دی.

مذکور استراتیژی گه کیرتیلگن اساسی موضوع لر ایسه ، قاچقین لرننگ اوز ایسته گی بیلن اولکه گه قیتیب کیلشینی قوللب قوتلش، وطنلریگه قیتیب کیلگن لرگه دایمی قالیشلری اوچون زمینه مساعد قیلیش همده افغان مهاجرلریگه باش پناه بیرگن اولکه لرگه یاردم بیریش .

افغانستان قاچقین لر وزیرلیگی گه کوره حاضر کمیده 6 ملیون افغان قاچقین لری تورلی اولکه لرده حیات کیچیره دی، شونینگ دیک کمیده 500 مینگ کشی اولکه نینگ ایچیده اوز جای لریدن بیجای بولگن لر،

مذکور استراتیژی قاچقینلر وزیرلیگی نی اساسی اصولی یا اساسنامه سی نی تشکیل بیره یاتگن لیگی معلوم قیلنه دی، انه شو طریقدن مهاجرت دن کیلگنلرنینگ قندی قیلیب دوامی اوز اولکه لریده قالیشلری، ایش تاپیب عادی حیاتگه دوام بیریشلریگه زمینه یره تیشی ممکن لیگی اورغولنماقده، بو ایسه افغانستان، پاکستان و ایران اولکه لری تمانیدن تیارلگن منطقه وی استراتیژی نینگ بیر قسمی ایکن لیگی ایتیله دی.

دولت مسئوللریگه کوره، افغان لرنی اوز وطنلریگه قیتریش استراتیژی سی جاری ییل نینگ جنوری آیی ده افغانستا،ایران و پاکستان اولکه سی تمانیدن امضا بولیب اوندن کیین عملی بولیشی ممکن.

جمهوررئیس اورن باسری محمد قسیم فهیم ، افغان قاچقین لریدن میزبانلیگ قیلگن اولکه و بیرلشگن ملتلر تشکیلاتی نینگ مهاجرلربولیمیدن خرسندلیگ بیلدریب ینه ده یاردملریگه دوام بیریشلری نی طلب قیلدی، افغان مهاجرلری چیت اولکه لرده بولگنده، خلقرا بیرلشگن ملتلر تشکیلاتی اولرنینگ قیندچیلیگی نی حل ایتیش همده باش پناه بیریش اوچون ایجابی ایشلر قیلگن لیگی افغانستان دولت مسئوللری نینگ رضایتیگه سبب بولگن.