ناتوکوچلری نینگ ینگی چاره تدبیرلری

Image copyright AP

ناتوکوچلری تمانیدن باشقریله یاتگن افغانستانده گی امریکا لیک حربی لرنینگ ایتیشیچه غرب عسکرلرینی افغان عسکرلری تمانیدن نشانگه توتیلیشی، اولرنینگ فعالیتی گه منفی تاثیرقوییشگن.

اوشبوهجوم لر جریانیده کمیده 17 چیت ایللیک عسکر مخصوصا امریکا لیک عسکری هلاک بولگن.

بو کبی هجوملرافغان لرتمانیدن کوپراق عصیانچیلرگه قرشی یولگه قوییلگن اوروش میدانلریده اویوشتیریلگنی اورغولنگن.

چیت ایللیک کوچلرنی افغان عسکرلری تمانیدن نشانگه آلینیشی نینگ الدینی آلیش اوچون آیساف کوچلری قطار چاره تدبیر لرنی یولگه قویگن. شو چاره تدبیرلردن بیری ایسه خارجی عسکرلراویقوده بولگنده باشقه بیری ایسه دواملی اولرنی اطرافیده نظارت قیلیب توره دی.

ایساف کوچلری نینگ افغانستانده گی سوزچیسی کارستن جاکوپ سن گه کوره، بو چاره تدبیر حربیلر نینگ خطرلر بیلن یوزمه یوز بولمه گن لیگینی بیان قیله یاتگن حرکت لردن بیری.

اونگه کوره خارجی کوچلر گه قرشی اویوشتیریلگن هجوملر کولمی کیچیک هم بولسه لیکن چیت ایللیک عسکرلر روحیه سی ومورالیگه منفی تاثر ییتکزیشی ممکن لیگی تأکیدلنگن.

باشقه تماندن ایساف کوچلری سوزچیسی امریکا حربیلریگه قرشی اویوشتیریلگن بوکبی هجوملرنی منتظم روشده عصیانچی لر تمانیدن اویوشتیریلگن بولگنینی رد ایتگن.

اما طالبلر اوشبو گرو ه گه علاقه دار بولگن شخص لر شونده ی هجوم لرنی اویوشتیرگنینی ادعا قیلگندی.

هرچند ایساف کوچلری یوزبیرگن هجوم لرگه اساسی عامل نیمه بولگنی خصوصی ده تولیق معلومات بیرمه گن لیکن، حادثه لرگه تورلی خیل سبب لر بولیشی ممکن لیگیدن سوزیوریتگن.

سونگی پیتلرده ایسه خارجی کوچلر کوپراق افغان حربی کییمیده بولگن شخص لرتمانیدن نشانگه آلینیب کیلینماقده، حتی کی ایچکی ایشلر وزیرلیگی محوطه سیده هم ایکی امریکا لیک مصلحت چی آتیب اولدیریلگن ایدی .