میمنه ده یوزبیرگن انتحاری هجوم نیچه کیشی دن جان آلگن

Image copyright bbcuzbek

شمالی فاریاب ولایتی نینگ مرکزی میمنه شهریده یوزبیرگن انتحاری هجوم نتیجه سیده نیچه کیشی هلاک بولگن. قربان بولگن لر آره سیده چیت ایللیک عسکر لرهم موجود لیگی ایتیلماقده.

فاریاب ولایتی نینگ پلیس باشلیغی جنرال عبدالخالق آقسا بی بی سی بیلن بولگن صحبتیده اوشبو انتحاری هجوم، یوناما قرشی سیده گی پارک لردن بیریده یوزبیرگنینی اورغولب هلاک بولگن لر اره سیده افغان و خارجی کوچلر موجود لیگینی ایتدی.

آقسای جنابلرینی ایتیشچه امریکا لیک کوچلری اهالی بیلن صحبت قیله یاتگن پیتی انتحارچی شخص اوزینی پارتله تگن.

ناتو کوچلری حاضرگه قدر هم بو حادثه باره سیده معلومات بیرمی فقط ایککی چیت ایللیک عسکرنینگ یول یانیده اورنه تیلگن ماین پارتلش نتیجه سیده قربان بولگنینی ایتگن.

باشقه تماندن ایسه ایریم خبر آژنس لری یوزبیرگن انتحاری هجومده بیش تینچ فقراهلاک بولگنیدن خبربیرگن.

بوندن بیرنیچه آی آلدین هم انتحارچی بیرشخص فاریاب ولایتی نینگ استخبارات اداره رییسی موترینی نشانگه آلگندی، استخبارات اداره رییسی اوشبو انتحاری هجومده یره له نیب کینچه لیک کسل خانه ده دنیادن اوتدی.

فاریاب ولایتی نینگ ایریم ولسواللیک لریده عصیانچی گروه لر انچه فعال بولگنی ایتیله دی.