بدخشان وفراه ولایت لریده گی سونگی ناقرارلیک لر

Image copyright AP

بدخشان ولایتیده یوزبیرگن انتحاری هجوم وفراه ولایتیده یوزبیرگن توقنه شووده ایککی پلیس قوماندانی داخل اون بیر پلیس هلاک بولگن.

بدخشان ولایتیدن کیله یاتگن خبرگه کوره بوگون اوشبو ولایت نینگ کیشم تومنیده انتحاری هجوم یوزبیرگن

بدخشان ولایتی نینگ پولیس قوماندان عبدالصبورنصرتی بی بی سی بیلن بولگن صحبتیده اویوشتیریلگن خودکش هجومده محلی پلیس قوماندانلریدن بیری ایکی قوریقچیسی بیلن بیرگه هلاک بولیب وینه 17 کیشی تینچ فقرا یره لنگن لیگی نی ایتدی.

مذکورهجوم عاقبتیده اولگن پولیس قوماندانی ایسه کیشم شهریدن اوزاوییگه قره ب باره یاتگن بیرپیتده انتحارچی اونینگ یانیگه باریب اوزینی پارتلتگن.

شونینگ دیک اوتگن کیچه یریم تونده اونلب قوراللی طالبلر خاک سفیداولوسوالیگی گه قره شلی رنج قشلاغیده جایلشگن پولیس قرارگاه لریدن بیریگه هجوم قیلیب بیرینچیدن خوف سیزلیک قوریقچسی نی بوغیب اولدیریب کینچه لیک پوسته نینگ ایچکریسیده بولگن پولیس لرگه هجوم قیلیشگن. فراه ولایتی پلیس اداره سی نینگ امنیت مسوولی محمد غوث ملیار گه کوره اوشبو هجومده پوسته ده بولگن پلیس عسکر لری نینگ همه سی عصیانچیلر تمانیدن آتیب اولدیریلگن.

ملیار جنابلری هلاک بولگن پولیس عسکر لری نینگ قورال اسلحه لری طالبلر تمانیدن آلیب کیتیلگن دیب، هجوم نتیجه سیده قربان بولگن لر باره سیده شونده ی دیدی:

قوماندان احمد شاه ناملی شخص طالبلر هجومیگه توتیلگن اوخوف سیزلیک پوسته قوماندانی ایدی،اوکیشی بوندن آلدین عصیانچیلیک فعالیتیدن قول تارتیب صلح پروسه سیگه قوشیلگندی، هجوم نتیجه سیده سککیز پلیس قربان بولگن و ایککی پلیس عسکرینی هم عصیانچیلر اوز لری بیلن بیرگه آلیب کیتیشگن، خوف سیزلیک پوسته سیده قنده ی هجوم اویوشتیریلگنی ایسه حاضر تیکشریلماقده.

اوزینی طالبان گروهی سوزچیسی دیب تانیشتیرگن قاری یوسف احمدی حادثه مسوولیتی نی اوز بوینیگه آلیب، قوماندان احمدشاه گه قوشیمچه 12 پلس هلاک بولگنینی ادعا قیلگن.

فراه ولایتی نینگ ایریم منطقه لریده عصیانچی گروه لر فعالیتی آرتیب باریشی بیلن اوشبو ولایت ده محلی پلیس کوچلری بوندن قریب بیش آی آلدین ایجاد ایتیلدی.

سونگی پیتلرده هوا ایسسیب باریشی بیلن نه فقط فراه بلکه افغانستان نینگ باشقه تینچ منطقه لریده هم عصیانچیلیک فعالیت لری آرتیب بارماقده، اوتگن کون انچه تینچ بولگن فاریاب ولایتی نینگ مرکزی میمنه شهریده انتحاری هجوم یوزبیریب تورت چیت ایللیک عسکرگه قوشیمچه اون کیشی قربان بولدی. باشقه تماندن یوزبیریب کیله یاتگن ناقرارلیک لرده کوپراق پولیس کوچلری نشانگه الینه یاتگنی هم جدی خواطر لرنی توغدیرگن.