علی احمد جلالی:مملکتده پارلمانی تیزیم شرایطی موجود ایمس

علی احمد جلالی Image copyright AP

افغانستان سابق ایچکی ایشلر وزیری علی احمد جلالی بی بی سی بیلن بولگن مخصوص صحبتیده پارلمانی تیزمی اوچون شرایط موجود ایمس لیگی نی ایتگن. اونگه کوره موجود معما لر ایسه جاری تیزم کوچ سیزلیگیدن کیلیب چیققن.عینی حالده جلالی جنابلری قدرت نینگ بیرکیشی قولیده بولیشینی کتته اشتباه بیلیب، کیله جک ریاست جمهورلیک سیلاوده موفقیت قازانگن حالده محلی اداره لرده ارتیق صلاحیت بیریشینی اورغوله گن.

علی احمد جلالی ایسه شو حاضردن باشلب 2014 میلادی ییل بولیب اوتیشی کوتیله یاتگن ریاست جمهورلیک سیلاوده اوز نامزدلیگنی ایلگری سوریشینی اعلان قیلگن.اما افغانستان حکومتی نینگ ایککی سیاسی رقیب لری بولگن ایککی کوچلی اتفاق جاری تیزم ایش بیرمه یاتگنینی اورغولب تیزم نینگ اوزگرتریلیشی ضرور لیگینی تاکیدلب کیلماقده.

افغانستان جمهورریسی حامدکرزی ریاستی تیزم نینگ افغانستان شرایط لرگه ماس ایکنینی ایترایکن، بو تیزم گه قرشی لیک لر و تیزم نینگ اوزگرتریلیشی کیرک دیگن گپ سوزلر سونگی قیزیق بحث لرگه ایلنگن. افغانستان سابق ایچکی ایشلر وزیری علی احمد جلالی، بی بی سی بیلن بولگن مخصوص صحبتیده جاری تیزم نینگ عمللری کوپیگینه قینچلیک لرنی الیب کیلگنینی ایتب بوکبی معما لرایسه عصیانچی گروه لرنی قیته دن کوچله نیشی گه سبب بولگنینی ادعا قیلدی.

عینی حالده جلالی جنابلری، افغانستانده سیاسی حزب لر کوچلنمه گونگه قدر تیزم نینگ ریاستی دن پارلمانی گه اوزگرتریشی قینچلیک لر بیلن بیرگه بولیشی ممکن لیگینی تاکیدله دی" افغانستانده گی موجود قیندچیلیکلر تیزم قندی لیگی ده ایمس بلکی دولت نینگ عملکردی دن کیلیب چیقگن بولر، اگرده حاضر تیزم پارلمانی بولیب دولت نینگ وضعیتی هم حاضرکی دیک بولسه یدی ینه عینی مسئله بولردی.افغانستانده سیاسی ملی حزبلر اورته گه کیلمه سه پارلمانی تیزم هم قینچلیک لربیلن بیرگه بولیشی ممکن، کیله جکده مردم پارلمانی تیزم نینگ معقول بیلسه کیره ک لیکن حاضرگی قینچلیک تیزمدن ایمس بلکه دولت نینگ عمللریدن کیلیب چیققن"شونگه قوشیمچه علی احمد جلالی افغانستان حکومتی نینگ اون ییل جریانیده موجود امکانیت لردن یخشی فایده له نه المه گنی نی اوچون اونی عیبله دی. اونگه کوره رهبرلر اوز قدرت لریدن قومی وجناحی مقصد لر اوچون فایده لنگنی باعث حکومت ومردم اره سیده فاصله یره تیلگن.

هرچند کیله جک ریاست جمهورلیک سیلاو نینگ یولگه قویلیشی گه اینگ آز ایککی ییل قالگن لیکن حاضردن باشلب تبلیغی برنامه لر یولگه قویلیب کیلینماقده، بولیب اوتگن ریاست جمهورلیک سیلاوده حامدکرزی نینگ اساسی رقیبی بولگن داکتر عبدالله عبدالله باشچلیغده گی سیاسی گروه ایسه تیزم نینگ پارلمانی گه اوزگرتریلیشی کیره ک لیگینی اساسی برنامه سی دیه کورستماقده، شونینگ دیک بوندن بیرقنچه مدت الدین شکللنگن ملی جبهه اتفاق باشلیغ لری، قدرت نینگ مرکزی لشتریلگنی ثمره لی بولمه گنینی اورغولب، محلی اداره لرده کوپراق صلاحیت بیریلیشی اساسی برنامه لریدن بیری دیه فکر بیلدریب کیلماقده. افغانستان سابق ایچکی ایشلروزیری علی احمد جلالی هم قدرت نینگ مرکزی لشگنینی قاره لب، محلی اداره لرده کوپراق صلاحیت بیریلیشی کیره ک لیگینی تاکیدله گن.