یول قوریش لایحه لر صفتی یخشی بولمه گنی اوچون قیته کوریب چیقیله دی

افغانستان عامه منفعت وزیرلیگی عمومی یول قوریش لایحه لر صفتی یخشی بولمه گنی اوچون اوشبو پروژه لر ایشی نی وقتینچه لیک توخته تیش قرارینی آلگن.

وزیرلیک رسمیلری گوره قرارداد لر قیته کوریب چیقیلگنیدن کین یول قوریش پروژه لری قیته دن باشلنه دی.

وزیرلیک مقاملرینی ایتیشی گه کوره قرارداد لرگه موجود پاره خورلیک، و پروژه لر ایشی یخشی بولمه گنی سببلی افغانستان حاضرگه قدرهم خلق ارا معیارلرگه ماس عمومی یوللرگه ایگه بولمه گن

اون ییلدن بیری، یول و حلقوی یوللرنی قوریش اوچون میلیون لب امریکا لیک دالر صرف ایتلیب کیلماقده. رسمیلرنی ایتیشچه سونگی نیچه ییل جریانیده، قریب یتتی مینگ کیلومتر یول اسفالت لنگن.

بو یوللرنی اکثریسی ایسه حلقوی یوللردن عبارت بولیب افغانستان ولایت لری نینگ بیر بیریگه اولشترگن. ایندی لیک ده افغانستان عامه منفت وزیرلیگی یول قوروچی پروژه لر ایشینی تنقید آستیده آلیب، قوریلگن یوللرنی توغری توزیک اییش بیرمه یاتیگنینی ایتماقده.

افغانستان عامه منفعت وزیری نجیب الله اوژن قراردادلرنی قول به قول بولیشی و یول قوریش لایحه لریگه اجره تیلگن پوللرنی اوز جای گه صرف لنمه گنی یول قوریش پروژه لرصفتینی پس لیگی گه سبب بولگن دیب سوزیوریتدی.

عینی حالده اوژن جنابلری بوندن بویان پروژه لرنی قول به قول بولمسلیگینی اورغولب، بوکبی ایشلرگه قول اورگن شخص یا کمپنی لرنی قانونگه تاپشریلشینی ایتدی.

افغانستان عامه منفعت وزیرلیگی بوتون ولایت لرده گی مسووللرینی کابل گه چقرگن ، بو برنامه دن اساسی مقصد هم اوشبو وزیرلیک چوکاتتیده فعالیت الیب باره یاتگن اداره لرقابلیت لرینی یوکسلتریش بولگن.

بوکونکی یغینده اشتراک ایتگن افغانستان اقتصاد وزیری عبدالهادی ارغندیوال اوتگن اون ییلده فایده لی بیر اقتصادی سیاست بولمه گنی سبب، دنیاهم جمعیت نینگ یاردم لریدن یخشی فایده له نیلمه گنینی ایتدی.

نه فقط یول قوریش پروژه لری بلکه اون ییلدن بیری عملگه اشریله یاتگن باشقه ساحه لرده گی لایحه لرده هم کینگ کولم ده فساد موجود لیگی ادعا قیلینه دی، بوخصوصده هم دنیاجماعت چیلیگی وهم افغانستان یوقاری مرتبه لی خادملری عیبلنماقده.

سونگی بیرنیچه ییل جریانیده، کتته قرارداد لرده، کینک کولمده فساد موجودلیگی اورغوله نیب بوایسه اساسی مشکل گه ایلنگن.

شونینگ دیک دولتی اداره لرده آرتیب باره یاتگن فساد وپاره خورلیک هم مردم نینگ جدی خواطر لنترگن. هرچند افغانستان حکومتی موجود فساد وپاره خورلیککه قرشی جدی کوره شیشینی تاکیدلب بوخصوصده مخصوص بیر اداره هم آچگن،لیکن کورنیشیچه یول قوریش کبی پروژه لرنی صفتی یخشی بولمی ایشی توخته تیلگنی ، دولت نینگ الیب باره یاتگن سعی حرکت نی اونچه لیک ایش بیرمه گنینی کوره سه ته دی.