جمهور رییس لیک سیلاولر زمانی اوزگریش احتمالی

Image copyright BBC World Service

افغانستان جمهور رییسی حامد کرزی، کیله سی جمهور رییس لیک سیلاو لری برنامه سی خصوصیده اوزگریش کیلیشی احتمالینی ایتکن. افغانستان اساسی قانونیگه موافق کرزی جناب لرینینگ، جمهور رییس لیک دوره سی 2014 ییلیده توگیشی کوتیلماقده. نانو کوچ لرنینگ ماموریتی هم عینا شو تاریخده توگیشی ایتلماقده . میلادی 2014 نچی ییلده افغانستان جمهور لیک ریاستی سیلاولری همده خارجی کوچلر افغانستان دن چیقیشی مملکت نینگ ایککی مهم موضوع لریدن حسابلنه دی. اما افغانستان حکومتی مذکور ریجه لر بیری نینگ زمانی نی اوزگرتیرماقچی بولگن. افغانستان جمهور رییسی حامد کرزی، ناتو باش کاتبی بیلن قوشمه مطبوعات انجمنی یولگه قوییب، جمهورلیک ریاستی سیلاو لری یا ده خارجی کوچلر نینگ افغانستان دن چیقیش لری زمانی نینگ یقین قیلیش ریجه سی اوستیده ایشله یشی نی ایتدی. کرزی جنابلری، مذکور ریجه لر نینگ بیرته سی 2013 نچی ییلده عملی بولیشی ممکن لیگی نی ایتدی. کرزی جنابلری بو مسئله قنده ی عملی بولیشی توغری سیده حاضر گه قدر انیق بیر نتیجه ده ایریشمه گن لیگی نی بیلدیریب، بحث لر جریانی بارلیگی نی معلوم قیلدی. "بو سوال مینگه بولگن، و بو نی یانیمده گی شخص لرگه هم ایتگن من. ایریم برنامه لرکوپلیگی اوچون اگر همه سی نی عملی قیله آلمه سک، مسوولیت لرنینگ افغان لرگه تاپشیریش و خارجی کوچلر نینگ 2013 نچی ییلده چیقیشی نی عملی قیله آله میز می؟ بو صورت ده باشقه ریجه میز 2014 نچی ییلده عملی بوله دی. یا بو که بیز مسوولیت دوری نی 2014 نچی ییلده عملی قیلسک و جمهورلیک ریاستی سیلاولری نی بیر ییل آلدین گه یعنی 2013 نچی ییلده کیلتیرسک. بو هم بیر مسئله ی که اوستیده فکر قیله من. بو توغری ده بیر قنچه مصلحت لر بولگن اما مین حاضر گه چه تصمیم آلمه گن من. حاضر تصمیم آلیش وقتی ایمس." کرزی جنابلری شونگه قوشیمچه قیلیب، بو ایککی مهم مسئله بیر سوراق صفتیده اونگه مطرح بولیب قالگن. اونینگ معلوم قیلیشیچه، هر نرسه ی که افغانستان مردمی نینگ منفعتی بولسه عملی قیله دی. عین زمانده افغان کوچلری نینگ سانی کمه یشی باره سیده گی موجود سوز لری توغری سیده کرزی جنابلری زمان و مملکت شرایطی ده قرگنده عملی بولسه کیره ک دیب ایتدی. شونده ی بیر حالده ناتو نینگ باش کاتبی آندرس فو رسموسن مسوولیت لرنینگ تاپشیریش ریجه سی 2014 نچی ییل گه چه عملی بولیشی نی تاکید له ب بو توغری ده هیچ قنده ی اوزگریش کیلمه گن لیگی نی هم معلوم قیلدی. ناتو نینگ باش کاتبی افغانستان کوچلری نینگ ظرفیتی یخشی بولگنی نی آلقیش لب، مملکت لری نینگ برچه مسوولیت لری نی اوز ضمه لری گه آلیش لری خصوصیده امید بیلدیردی. شو نینگ راسموسن جنابلری، ناتو نینگ یاردمی افغانستان دولتی و مردمی بیلن 2014 نچی ییل دن کیین هم دوام تارتیشی نی ایتدی. عین زمانده مذکور تشکیلات، بیر آی دن کیین یولگه قوییلیشی کوتیله یاتگن شیکاگو انجمنیده، افغانستان کوچلری نینگ تعلیم بیریش توغری سیده انچه مسوولیت لرنی اوز ضمه سیگه آلیشی نی اعلام قیلیشی نی هم معلوم قیلدی.