غیرت بهیر: اوچره شوولرنینگ نتیجه بیریشی گه امیدوارمیز

Image copyright no credit

کابل گه کیلگن گلب الدین حکمتیار باشچلیغیده گی اسلامی حزب هیاتی افغان مقاملری بیلن اوچره شیب اوشبو حزب تمانیدن صلح اوچون ایلگری سوریلگن یول یوروق لرباره سیده صحبت بولگنینی ایتدی.

گلب الدین حکمتیار باشچلیغده گی اسلامی حزب هیاتی کابل ده بولیب شو نیچه کون جریانیده افغانستان دولتی نینگ ایریم یوقاری مرتبه لی ادملری بیلن اوچره شگن.

هیات باشیده بولگن اسلامی حزب اعضالریدن غیرت بهیر، اوشبو اوچره شوو لردن اساسی مقصد افغانستان بحرانی گه ایچیم یول تاپیش دیه اورغوله دی. شونینگ دیک او، صلح ومذاکره اوچون اسلامی حزب تمانیدن ایلگری سوریلگن طرح نینگ هرتمانله مه دیب افغانستان رسمیلری بیلن اورته گه قویشینی ایتدی لیکن اسلامی حزب هیات باشلیغی بهیرجنابلری مذاکره و صلح اوچون بولگن طرح باره سیده اچیق معلومات بیرمی، بولیب اوته یاتگن اوچره شوو لرنی ایجابی بولیشی گه امیدبیلدیردی:"بیزنینگ بو سفری میز نه تبلغاتی ونه هم تشریفاتی، بیز بوکبی اوچره شوولردن ایجای نتیجه قولگه کیتریشینی ایستب مذاکره وصلح اوچون بو سفرنی یوتوققه ایریشیشی گه امید بیلدیره میز، اما بو مقابل تمانگه تیگیشلی ، یعنی اولرقندی بو موضوع گه مناسبت بیلدیره دی، وقنچه لیک چون یورک دن یانداشه دیلر، ایککی تماندن هم بیرگروه هیات تعین ایتیلیب، ایلگری سوریلگن تکلیف لرنی کوریب چیقماقده."

عینی حالده بهیر جنابلری ایلگری سوریلگن طرح ده اسلامی حزب اوچون قندی دیر امتیاز بیریش موضوع سی کیرتیلمه گنینی اورغولب فقط، مذاکره اوچون بولگنینی تاکیدله دی.

شونگه علاوه ، اسلامی حزب هیات باشلیغی غیرت بهیر، صلاح الدین ربانی نینگ عالی تینچلیک قوریلتای باشلیغی صفتیده تعین ایتیلگنینی خوش قرشی له دی.

افغانستان ریاست جمهورلیک سرای هم اسلامی حزب هیات بیلن بولیب اوته یاتگن اوچره شوو لردن خوشبین لیک بیلدیرگندی لیکن حاضرگه قدرهم قندی دیر ایجابی نتیچه قولگه کیرتیلگنی معلوم ایمس.

بوندن آلدین هم اسلامی حزب هیاتی کابل گه کیلیب افغانستان جمهورریسی بیلن اوچره شیب مذاکره اوچون اون یتتی بندلیک بیر طرح نینگ ایلگری سورگندی. خارجی کوچلرنینگ افغانستان دن چیقیب کیتیشی همده ریاست جمهورلیک سیلاودن الدین وقتینچه لیک حکومت تشکیل ایتیلیشی طرح نینگ اساسی بند لری ایدی.