عصیانچی لرنینگ قطار هجومی بیکار ایتیلدی

Image copyright BBC World Service

افغانستان خوف سیز لیک مقام لری، عصیانچی لرنینگ گروهی هجومی قرشی سیده 18 ساعت اوریشگنی نی ایتیب، بو اوریش ده 36 عصیانچی نینگ هلاک ایتیلگنی نی معلوم قیلگن.

رسمیلرگه کوره، کابل پایتخت و باشقه بیرقطار ولایت لرده کی هجوم لرده قریب اون خوف سیزلیک ملازمی هلاک بولگن و 65 کیشی یره لنگن.

بو جمله دن 25 کیشی هم عادی اهالی بولگن. شو نینگ دیک ایککی عادی اهالی کابلده و بیر کیشی هم پکتیا ده هلاک بولگنی قید ایتیلگن.

ایچکی ایشلر وزیری بسم الله محمدی گه کوره، بیر عصیانچی هم خوف سیزلیک کوچلری تمانیدن اوشله ب آلینگن.

اوشله ب آلینگن شخص نینگ بیرگن اعترافی گه کوره، عصیانچی لر حقانی ترماغی تمانیدن رهبرلیک بولریکن لر.

عصیانچی لر توناون کی هجوم لریده نیچه ایلچلیک گه قره ته اوق آچگن ایدیلر. بریتانیا، آلمان و جاپان ایلچیلیک لریده هم اوق توشگنی بیللی بولگن لیکن هیچ کیم گه زیان ییتکزمه گن.

افغانستان پارلمانی، بیر هوتل، و ینه نیچه خارجی ایلچیلیک لر کابلده شونینگ دیک جلال آباد هوا قونالغه سی هم مذکور هجوم لر نینگ اساسی مقصدی ایکن.

اوتگن آلتی آیی جریانیده طالبان گروهی نینگ دولت گه قرشی اینگ کتته هجوم لری دن حسابلنه دی.

شو نینگ دیک طالبان گروهی خود شو کبی هجوم لرنینگ دوام بیریشی دن آگاه لنتیرگن.