تخارولایتیده اونلب قیز طلبه زهرلنگن

شمال شرقی تخار ولایتی نینگ رستاق تومنیده، اونلب قیز طلبه مکتب ده گی موجود سوودن فایده لنگنی باعث زهرلنگن.

رستاق ولسواللیگی نینگ پلیس باشلیغی سیف الله صابری، قریب بیریوز قرق قیز طلبه نینگ زهرلنگنینی ایتیب اولرنی کسل خانه ده انتقال بیریلگنینی معلوم قیلگن.

شونینگ دیک صابری جنابلری رهزلنگن قیز طلبه لری سانی بوندن کوره هم کوپ بولیشی ممکن لیگینی ایتدی ، اونگه کوره مکتب درسی توگه گندن کیین ایریم طلبه لر اویلری کیتگن، اولرنینگ قندی ایکنی باره سیده معلومات بولمه گن.

قیزطلبه لرنینگ قندی زهرلنگنی حاضرگه قدر هم انیق لنمه گن . محلی رسمیلر حادثه یوزه سیدن تحقیقات آلیب باریلشینی خبربیرگن.عینی حالده محلی رسمیلر زهرلنگن قیز لر وضعیتی خواطرلی ایمس لیگی گه ایشانچ بیلدیرگن.

افغانستان معارف وزیرلیگی هم اوشبو حادثه باره سیده تحقیقات آلیب بارشینی اورغولب، حادثه سببچیلرنی تاپیش اوچون پلیس کوچلریدن یاردم سوره گن.

افغانستان معارف وزیرلیگی نینگ سوزچیسی امان الله ایمان زهرلنگن قیز طلبه لر قریب ایککی یوز کیشی ایکنینی ایتگن.

بوندن الدین هم افغانستان نینگ ایریم ولایت لریده قیز طلبه لرزهرلنگندی.