مجلس امریکا و افغانستان آره سیده کی استراتیژیک لایحه باره سیده اگاه لنتیریلدی

Image copyright .

امضاله نیشی کوتیله یاتگن استراتیژیک لایحه ده 2014 میلادی ییل دن کیین ایککی اولکه آره سیده علاقه لروهمکارلیک لر قندی بولیشی اچیق لنگن.

تروریزم گه قرشی کوره شیش موضوع سیدن توتیب امریکا نینگ افغان کوچلری وباشقه ساحه لرده قندی یاردم بیریشی اوشبو لایحه ده قیدایتیلگن.

اوشبو استراتیژیک لایحه سی سککیز فصل دن عبارت بولیب، خوف سیزلیک توغریسده همکارلیک لرنی کوچیتریش، افغان امنیتی کوچلرینی جهازلنتریش همده القاعده ترماغی بیلن قرشی کوره شیش و افغانستان توپراغیدن مدافعه ایتیش لایحه ده کیتریلگن اساسی موضوع. دیه کورسه تیلدی.اولوسی جرگه یغینده سوزیوریتگن افغانستان ملی امنیت شوراسی نینگ رییسی داکتر رنگین دادفر اسپنتا بوحقده شوندی دیدی:"استراتیژیک لایحه سی نی اوچینچی فصلیده، امنیت وثبات نینگ افغانستانده مستحکم لش، القاعده ترماغی و صفداشلری بیلن قرشی کوره شیش،همده ملی حاکمیت ، امنیت خصوصیده بولگن تهدیدلرنی آلدینی الش اوچون ایککی تمان اوز همکارلیک لریگه دوام بیره دی، صلح اوچون هم ایریم یوللر کوریب چیقیلگن، افغانستان اساسی قانونی نی قبول قیلیب، القاعده ترماغی بیلن علاقه لرینی کسیب قوییگن عصیانچیلر بیلن صلح بولیشی گه کیلیشیلگن."

شونینگ دیک اوشبو استراتیژیک لایحه ده افغان امنیتی کوچلری نینگ کوچلنتریش اوچون، امریکا سنامجلیسی دن ایترلیچه مالی یاردم طلب قیلینیشی قیدایتلگن.

همده پیمانده ایککی تمان دیموکراتیک اصوللر و اوتگن اون ییل جریانیده قولگه کیرتیلگن یوتوق لرگه اعتبار قره تیشلری علاحیده اورغولنگن.

شونگه علاوه منطقه بویچه اهمیت گه ایگه بولگن پروژه لرنی امریکا قوشمه ایالت لری تمانیدن حمایه ایتیلیشی گه کیلیشیلگنی معلوم قیلینگن.

عینی حالده حکومت نینگ کوچیتریش، صحی خذمت لرنی کینگیتریش و فساد کبی معمالربیلن جدی کوره شیلشی استراتیژیک پیمان نینگ باشقه بیرقسمی بولگن.

شونگه قوشیمچه امریکا قوشمه ایالت لری 2012 میلادی ییل رواجلنتریش برنامه لرتوغریسده گی یاردمینی سکسن فایزنی صرف ایتیشی گه موافقت بیلدیریلگن. بوایسه افغانستان ترقیاتی اوچون اوته مهم ایکنی اورغولنگن.

لیکن استراتیژیک لایحه ده امریکا نینگ افغانستانده دایمی حربی قرارگاه قوریش مسله سی کیرتیلمه گن، اسپنتا جنابلری انه شو لایحه اساسیده ینه بیر امنیتی پیمان امضاله نیب بوباره ده قرار آلنیشینی اچیق له دی"امریکا لیک لرنی حربی قرارگاه قوریش، امریکالیک لرنینگ حقوق ومسووللیت لرینی بو استراتیژیک لایحه سیدن چیقاریشگه کیلیشدیک،بو استراتیژیک لایحه سی امضالنگنیدن سونگ، اینگ از بیرییل امریکا لیک لرگه حربی قرارگاه بیریش یا بیرمسلیک مسله سی اولرنی بوقرارگاه لردن قندی فایده له نیشی، امریکا لیک لرنینگ مسوولیت لری خصوصیده قرارآلینه دی."

افغانستان تشقی ایشلر وزیری زلمی رسول سنا مجلیس گه چقریلگندی او، استراتییژیک لایحه امضاله نیشی خصوصیده منطقه ده گی اولکه لر خواطر لرنی برف ایتییش اوچون ایشانچ بیلدیریلگنینی اورغولب استراتیژیک لایحه ده کیرتیلگن اوزگرشنی شوندی اچیق له دی"هرتمان قراردادن نینگ بیکار قیلیشی گه اختیار بیریلگندی، لیکن بیز بوماده نی آلیب تشله دیک،شوندی اوزگرتریلدی کی قرارداد فسخ ایتیلیشی ممکن لیکن، بوخصوصده ایککی تمان یعنی امریکا و افغانستان دولت لری نینگ فکرلری اورگه نیلیشی کیره ک لیگی گه کیلشیلدی بو بیزنینگ منفعتی میزگه بولیشی ممکن."

معلومات لرگه کوره بو پیمان 2014 میلادی ییلدن کیین اون ییل گه قدر عملی بولیش ضمانت گه ایگه .

استراتیژیک لایحه شیکاگو یغیندن الدین امضاله نیشی کوتیله دی. لیکن بو لایحه امریکا و افغانستان پارلمانی نینگ تصدیق دن اوتگنیدن سونگ عملی بولیشی ممکن.