فهیم: طالبان بیلن قدرت نی بولیش کیره ک

Image copyright Getty

افغانستان جمهور رییسی نینگ بیرینچی اورین باسری، مملکت ده تینچ لیک کیلتیریش اوچون، طالبان گروهی نینگ مرکزی قدرت ده قوشیش کیره ک لیگی نی اعلام قیلگن.

مارشال محمد قسیم فهیم گه کوره، طالبان گروهی افغانستان دولتی نینگ قویگن شرط لرینی قبول قیلیشی بیلن، دولت گه قوشیلیش لری ممکن.

فهیم جنابلری، افغانستان عالی تینچلیک کینگاشی رییسی نینگ رسمی شکلده تانیشتیریش مراسمی ده سوز یوریتیب، افغانستان ده بیر تمانلمه تینچ لیک نی تامین لش ممکن سیز دیب ایتدی.

افغانستان حکومتی سیاسی قدرت نینگ قوراللی مخالف لر بیلن بولیشی نی بیرینچی مرته آغیزگه آلدی.

فهیم جنابلری گه کوره، بیر گروه نینگ قدرتگه ایریشیشی و باشقه گروه نینگ قدرت دن چیتله نتیریشی، افغانستان ده تینچ لیک نی کیلتیرمه یدی. خود شو مسئله باعث، مملکت ده گی سیاسی گروه لر، بیربیراوی نینگ حق لریگه حرمت قایل بولیش کیره ک.

"ناراض کیشی لر بیلن سیاسی قدرت نینگ بولیشی میز نی قبول قیلیشیمیز کیره ک. اولر هم بیگانه لر نینگ استعماری دن چیقیش لری کیره ک ایکن لیگی نی قبول قیلیش لری لازم. اولر کیلیب، مملکت لری بیلن بیرگه بولسین لر. و مردم نینگ قوتقریشی توغری سیده، شو نینگ دیک مردم نینگ عزتی اوچون، بیز بیرگه ایشله یشیمیز کیره ک.:

شو نینگ دیک افغانستان جمهور رییسی نینگ اورین باسری، اگرده یولگه قوییلگن سعی و حرکت لر نتیجه سیز قالسه، مملکت انچه تینچ سیزلیک لر بیلن یوزمه یوز بولیشی نی معلوم قیلدی.

صلاح الدین ربانی عالی تینچلیک قوریلتای باشلیغی صفتیده اوتگن هفته تعین ایتیلدی، او اوز صحبتیده صلح اوچون اورینه یاتگن تورلی تشقی اولکه لردن منتدارچیلیک بیلدیردی.

عینی حالده ربانی جنابلری سعودی عربستان دن افغانستان ده صلح کیتریش اوچون جدی سعی قیلیشینی طلب قیلدی.

Image copyright

"افغانستان ده تینچلیک کیلتیریش توغری سیده همکار لیک قیلگن سعودی عربستاندن اینیقسه حرمین شریفین خادمی دن، یوره کدن منتدار میز. شو نینگ دیک، اولر اسلام دنیا سی نینگ مرکزی رهبری صفتیده، افغانستان ده صلح و ثبات کیلتیریشی ده کوپراق فعالیت قیلیشی توغری سیده امید بیلدیره میز."

عالی تینچلیک قوریلتای، مصلحتی جرگه اشتراک چیلری نینگ فکرلری اساسیده اوتگن ییل ایجاد ایتیلدی.

بوندن الدین عالی تینچلیک قوریلتای باشلیغی صفتیده اسلامی جمعیت رهبری برهان الدین ربانی فعالیت آلیب باررایدی، اما او انتحارچی بیرشخص تمانیدن اوز اویده نشانگه آلینیب هلاک ایتیلدی.

صلاح الدین ربانی نینگ عالی تینچلیک قوریلتای باشلیغی صفتیده تعین ایتیلیشی اوشبو قوریلتای اره سیده مخالفت لرنی توغدیردی.آنه شو سبب سابق جهادی رهبرلردن صبغت الله مجددی برچه وظیفه لرینی ترک ایتدی.