پولیس مسوولیت لرنینگ اوچینچی دوری اوچون تیارگرلیک آلماقده

افغانستان ایچکی ایشلر وزیرلیگی، مسوولیت لرنینگ اوچینچی دوری اوچون پولیس کوچلری نینگ قوماندان لریدن تیار بولیشلری نی طلب قیلگن.

بسم الله محمدی، بوگون پولیس کوچلری نینگ مهم قوماندان لری بیلن بیر یغین اوتکزیب، اولردن مسوولیت آلیش اوچون یخشی تیارگرلیک کوریش لری و حرکت قیلیش لرینی هم طلب قیلگن.

محمدی جنابلریگه کوره، مملکت پولیس کوچلری حاضر چه لیک خوف سیزلیک نینگ تامین لشگه کوچلنیریلگن. افغانستان ده حاضر گه چه خوف سیزلیک کوچلری، مملکت یریم توپراقی نینگ مسوولیتی نی اوز ضمه لریگه آلگن لر. بو مسئله حاضر گه چه ایککی مرحله گه عملگه آشیریلگن.

هرچند اوچینچی مرحله نینگ قه یسی منطقه لرده عملی بولیشی همده تاریخی انیقلنمه گن، اماخوف سیزلیک مقام لر بو مرحله هم یقین کیله جککه عملی بولیشینی ایتماقده لر.

افغانستان ایچکی ایشلر وزیری بسم الله محمدی بوگون کی یغین ده بونده ی دیدی:

"خوف سیزلیک مسوولیت لرنینگ بیرینچی و ایککینچی مرحله سی سیز عزیز قوماندان لرنینگ سعی و حرکت لریز بیلن یخشی شکلده عملی بولدی. بیز و سیز لر حاضر اوچینچی مرحله عملی قیلیشی نینگ باشلنیشی ده میز. بو دور اوتگن دور لردن کوره قیین راق بولسه کیره ک. بو دور نینگ موفق شکلده عملی بولیشی اوچون سیز لرنینگ سعی و حرکت قیلیش لریزنی هم طلب قیله من."

محمدی جنابلری شونگه قوشیمچه قیلیب، پولیس کوچلری صفیده بیر قنچه کم چیلیک و قیین چیلیک لر بارلیگی نی تن آلدی لیکن مذکور کوچلر حاضر گی کونده مردم خوف سیزلیگی نینگ تامین لشگه قادر بولگنی نی هم معلوم قیلدی.

شو نینگ دیک ایچکی ایشلر وزیرلیگی مخالف گروه لردن اینیقسه طالبان گروهی دن اوریش دن قول تارتیش لری نی طلب قیلدی.

او ینه بیر مرته طالبان گروهی اوریشگه موفق بولمه آلمه ی دیب تاکید قیلدی.

طالبان گروهی نینگ موجود عصیانچیلیک هجوم لریگه قرگنده، افغانستان خوف سیزلیک مسوولیت لری کیله سی ایککی ییل گه قدر بوتون لی افغان کوچلری گه تاپشیریله دی.

شونده ی بیرحالده خلق ارا هم جمعیت مملکت لر افغانستان خوف سیزلیک کوچلری نینگ 2014 نچی ییل دن کیین یعنی ینه اون ییل گه چه یاردم بیریشی نی ایتگن. شو نینگ دیک شیکاگو ده جاری میلادی آی نینگ آخری گه یولگه قوییلیشی کوتیله یاتگن خلق ارا انجمن ده هم بو مسئله اوچون کوپراق بحث بولیشی بیلگی لنگن.