"افغان هوایی کوچی مملکتدن مدافعه قیلیشگه قادر ایمس"

افغانستان مدافعه وزیرلیگی هوای کوچ نینگ قروچی و تورلی خیل اوچاق لربیلن جهازلنتریش اوچون امریکا قوشمه ایالت لری بیلن مذاکره لر دوام تارتیب کیله یاتگنیدن خبربیردی.

اوشبو وزیرلیک رسمیلرگه کوره امریکا قوشمه ایالت لری 1016 میلادی ییلگه قدر 146 اوچاق نینگ افغان هوای کوچی گه بیریشینی سوزبیرگن.

2014 میلادی ییل ناتو کوچلری افغانستان دن چقیب کیتیشی بیلن خوف سیزلیکنی تامین لش مسوولیتی افغان کوچلری ضیمه سیگه توشه دی. شواوچون افغانستان مدافعه وزیرلیگی، هوای کوچ نینگ تیزاره ده قروچی و تورلی خیل اچاق لر بیلن جهازلنترشگه جدی نیاز بارلیگنی تاکیدلیدی.

افغانستان مدافعه وزیرلیگی نینگ سوزچیسی جنرال ظاهر عظیمی گه کوره افغانستان و امریکا قوشمه ایالت لری آره سیده گی کیلشوو اساسیده 2016 میلادی ییلگه قدر افغان هوای کوچی گه 146 طیاره بیریلیشی قید ایتلگن. بیراق عظیمی جنابلری بیریلیشی سوزبیریلگن تورلی خیل اوچاق لر ایسه افغان هوای کوچی نینگ احتیاجینی قانیقتره آلمس لیگینی ایتدی"افغان هوای کوچی 146 اوچاق بیلن جهازلنگن حالده هم ، هوای کوچی میز اولکه نینگ ایچکی و تشقی امنیتی نی تامین قیلیش قابلیتی گه ایگه بولمیدی. بیرتماندن بیریله دیگن اوچاق لر سانی آز باشقه تماندن، اوزون مدت جریانیده بو طیاره لر بیریلیشی ریجه لنگن، بیز بو ایککی موضوع یعنی طیار لر سانینی کوپیتریش و قسقه مدت ایچیده بیریلیشی اوچون امریکا قوشمه ایالت لری بیلن صحبت قیلماقده میزبو موضوع نی حل بولیشی گه امید بیلدیره میز."

عظیمی جنابلری گه کوره شو پیتگه قدر بیرنیچه طیاره امریکا قوشمه ایالت لری تمانیدن افغان کوچلریگه بیریلگن یقینده ایگرمه قروچی اوچاق بیریلیشی سوز بیریلگن.

افغانستانده ایچکی اوروش لر باشلنمی داکتر نجیب الله حکومتی نینگ سونگیده افغانستان هوای کوچی چوکاتیده بیش یوزدن ارتیق تورلی خیل اوچاق موجود بولیب جمله دن 200 ته سی قروچی اوچاق دن عبارت ایدی.

تنظیمی اوروش لر جریانیده افغانستان هوای کوچی ، آهسته سکین کوچ سیزله نیب اورته دن کیتدی.

طالبان حکومتی آغدریلگنیدن سونگ، افغانستان هوای کوچی نینگ جهازلنتریش اوچون سعی حرکت لر باشلندی.

حاضرگه قره گنده افغانستان هوای کوچی چوکاتیده 54 قروچی وترانسپورتی اوچاق فعالیت آلیب باره دی، اما شوندی بولسه هم بو طیاره لرنی اوچریش اوچون ناتو و امریکالیک حربیلر یاردم بیریب کیله یاتگنی ایتیله دی.