آیساف : استراتیژیک پیمان امضاله نیشی اوزون مدت همکارلیک اوچون زمینه یره تدی

Image copyright AP

آیساف کوچلری افغانستان وامریکا آره سیده امضالنگن استراتیژیک پیمان2014 میلادی ییلدن کیین افغانستاننی یککه قویمس لیگیگه طالبان وباشقه عصیانچی گروه لراوچون اچیق پیام بولگنینی اورغوله دی.

ایککی دولت جمهور رییس لری اره سیده امضالنگن استراتیژیک پیمان یقینده بولیب اوتیشی کوتیله یاتگن شیکاگو یغینده تکلیف ایتیلیشی کوتیله دی.

ناتو نینگ افغانستانده کی ملکی وکیلی سوزچیسنی ایتیشچه شیکا گو یغینده افغانستان ده یاردم بیریب کیله یاتگن چیت اولکه لر 2014 میلادی ییلدن کیین بیره دیگن وعده لرینی اعلان قیلماقچی.

افغانستان و امریکا قوشمه ایالت لری آره سیده امضالنگن استراتیژیک پیمانی منطقه ودنیا بویلب تورلی خیل مناسبت لر گه سبب بولدی.

ایساف کوچلری بوکونگی اوتکزگن مطبوعات انجمنیده بو پیمان امضاله نیشی 2014 میلادی ییلدن کیین افغانستانده هرتمانله مه یاردم لر دوام تارتیشی اوچون طالبان قوراللی لریگه اچیق بیر پیام دیه بهاله دی. ایساف کوچلری نینگ کابلده گی سوزچیسی کارستن جاکوپ سن پیمان نینگ قندی اهمیت وقنچه لیک افغانستان منعفتی گه ایکنی باره سیده شوندی دیدی:"بو طالبان و باشقه عصیانچی گروه لر اوچون اچیق پیام دیرکه افغانستان ده یاردم بیریب کیله یاتگن مملکت لر 2014 میلادی ییلدن کیین افغانستاننی یککه قویمیدی.همده بو پیمان اوزون مدت قوشمه فعالیت لر اوچون زمینه یره تگن، افغانستان نینگ ملی حاکمیتی نی مستحکم لیدی، باشقه تماندن القاعده ، طالبان وباشقه صفداشلرینی شکست بیریش گه اساسی رولی بار."

شونینگ دیک جا کوپسن جنابلری طالبان عصیانچیلری اوز فعالیت لرینی رهبرلیک قیلیش اوچون ییریک بحران گه دوچ کیلگنینی تیلگه آلیب، افغان امنیتی کوچلر بیلن یوزمه یوز مقابله قیلیش گه قادر ایمس لیک لرینی ایتدی.

اونی ایتیشچه طالبان باشلیغ لری چیگره نی اوتمانی یعنی پاکستان توپراغی آرقه لی اوز آدم لرینی رهبرلیک قیلیب کیلماقده

استراتیژیک پیمان اوتگن هفته امریکا وافغانستان جمهوررییس لری آره سیده کابلده امضالندی. اوشبو پیمان جاری میلادی ییل می آیی نینگ ایگرمه. سیده یولگه قوییلیشی کوتیله یاتگن شیکاگو یغینده تکلیف ایتیلیشی کوتیله دی.

ناتو کوچلری نینگ ملکی وکیلی سوزچیسی دامینیک میدلی شیکاگو یغینیده افغانستان ده یاردم بیریب کیله یاتگن مملکت لر 2014 میلادی ییلدن کیین بیره دیگن وعده لرینی اعلان قیلیشی ممکن لیگینی اورغوله دی.

کابل و واشنگتن آره سیده امضالنگن استراتیژیک پیمان اساسیده ایککی اولکه اره سیده گی حربی وناحربی فعالیت لری اینگ آز اون ییل دوام تارتیشی ممکن.