جوزجانده طالبان تمانیدن حاکم تعینلنگن شخص توتقینگه آلیندی

جوزجان ولایتی نینگ خوفسیزلیک مسوللری، اوشبو ولایت نینگ درزاب اولوسواللیگی اوچون طالبان تمانیدن حاکم بولیب تن آلینگن شخص نی توتقینگه آلیشگن. جوزجان ولایت حاکمی نینگ سوزچیسی جناب فقیرمحمد نینگ گواهلیک بیریشیچه، قاری نصرالدین بوندن بیر کیچه مقدم درزاب اولوسواللیگی نینگ آق بولاق دیگن قیشلاغیدن توتقینگه آلینگن. اونینگ ایتیشیچه، مذکور شخص گیزمه قیله یاتگن پیتده، ملی همده محلی پولیس لر تمانیدن اسارتگه آلینگن. اوشبو شخص درزاب همده قوش تیپه اولسوالیگی نینگ ناتینچلیکلریگه سبب بوله یاتگن لیگی هم دولت مسئوللری تمانیدن تاکیدلنماقده. ولیکن عینی پیتده طالبان گروهی ایسه، مذکور ادعا نی رد قیلیب چیققنلیکلری خبر قیلینماقده. خوددی شونده ی، محلی خبرلرگه کوره طالبان سوزچیسی، ذبیح الله مجاهد پولیس کوچلری تمانیدن توتقین گه آلینگن، طالبان نینگ اوز آره لریده حاکم صفتیده تعیینله گن آدملری، اولرنینگ گروهیدن ایمسلیگینی اورغوله گن. سونگی بیر نیچه آی مابینیده جوزجان ولایتی نینگ تورلی حدودلری ناتینچ بولیب کیله یاتگن لیگی معلوم قیلینه دی. قطار حربی عملیاتلر یولگه قویلگن لیگیگه قره می، حاضرهم ایریم اوزاق حدودلرده قوراللی عصیانچیلر انچه فعال بولگن لیکلری ایتیلماقده.