اسلامی حزب : افغانستان دولتی بیلن باشقه مذاکره قیلمی میز

Image copyright

گلبدین حکمتیار باشچلیغیده کی اسلامی حزب افغانستان دولتی بیلن مذاکره مسله لرینی کیسیب قوییگنینی ایتگن.

اوشبو حزب ینگی بیلدیرگن مناسبتی ده امریکا وافغانستان آره سیده امضالنگن، استراتیژیک بیتیمی گه قرشی لیک بیلدرگن. بو بیتم امریکا نینگ اوزون مدت افغانستانده قالیشی اوچون بیر بهانه دیب ، شو اوچون افغانستان دولتی بیلن مذاکره مسله لرینی کیسیب قوییشی گه قرار آلگنینی ایتگن.

استراتیژیک پیمانی افغانستان و امریکا جمهور رییس لری آره سیده کابلده امضالندی. اما بو استراتیزیک پیمانی هلی هم افغانستان پارلمانی تمانیدن تصدیق لنمه گن.

اسلامی حزب نینگ مهم اعضالریدن غیرت بهیر استراتیزیده آچیق لنمه گن موضوع لر کوپلیگینی ایتگن.

اونگه کوره " استراتیژیده افغانستان ملی حاکمیت و مستقللیگی نقض ایتیلگن، امریکا لیک لر افغانستاننی ترک ایتیش نیتیده ایمس."

بهیرجنابلرینی ایتیشچه مذاکره اوچون اولر تمانیدن ایلگری سوریلگن شرط لردن بیری، چیت اییللیک کوچلرنینگ افغانستاندن چیقیب کیتیشی دیر.

اما افغانستان عالی تینچلیک قوریلتای، مخالف قوراللی گروه لربیلن مذاکره الیب باریش اوچون هیچ قندی شرط قبول قیلنمس لیگینی اورغوله گن.

افغانستان عالی تینچلیک قوریلتای اعضالریدن اسماعیل قاسیمیار، بی بی سی بیلن بولگن صحبتیده موجود جنجل لرنی مذاکره آرقه لی حل ایتیلیشی گه امید بیلدردی.

بوندن آلدین اسلامی حزب اعضالری، امریکا کوچلری نینگ افغانستانده کی فعالیت لری و حضوری باره سیده امریکا ایلچیسی رایان کروکر و امریکا نینگ عمومی قوماندانی جان آلن بیلن صحبت الیب بارگنینی ایتگن لر. اولرگه کوره بوخصوص ده حاضرگه قدرهم اولرتمانیدن آچیق جواب قولگه کیرتیلمه گن.

اما امریکا لیک مقام لر اسلامی حزب مقاملری بیلن توغریدن توغری صحبت آلیب باریلگنینی تصدیق له مه گن.

گلبدین حکمتیار رهبرلیگی آستیده فعالیت آلیب باره یاتگن اسلامی حزب افغانستان دولتی وافغانستانده کی خارجی کوچلر گه قرشی اوروشیب کیلماقده.

بو گروه طالبان عصیانچیلردن اوزلرینی ایری بیله دی بیراق برنامه وفعالیت لری طالبان فعالیت لری بیلن بیرخیل بولگن.

گلبدین حکمتیار نامعلوم مکانده یاشرینچ شکلده حیات اوتکزیب کیلماقده. امریکا تمانیدن ایزله نیب کیلینه یاتگن شخصلردن بیری بولیب اونی باشی اوچون جایزه تعین ایتیلگن.