ناتو نینگ شیکاگو ده کی یغینیده عیاللر حقلری کون ترتیبده بولیشی کیرک

Image copyright AP

بیرلشگن ملت لر تشکیلاتی ینگی بیر حسابات ترقه تیب، افغانستانلیک عیاللر حقلری ناتو نینگ شیکاگوده کی یغینده کون ترتیبیده بولیشی کیرک لیگینی تاکیدله گن.

قوراللی عصیانچیلری بیلن مذاکره آلیب باریش مسله سی قیزیق بحث لرگه ایله نرایکن، عیاللر توغریسده اون ییل جریانیده قولگه کیرتیلگن یوتوق و ایرکین لیک لرگه بومسله منفی تاثیر قالدریشی ممکن دیگن خواطر لرهم کوچیگن، حال بوکی افغانستان دولتی عیاللر اوچون قولگه کیرتیلگن یوتوق لرنی صلح قربانی قیلمس لیگینی ایتیب کیلگن. بومسله بیرلشگن ملتلر تشکیلانی هم خواطرلنتیرگن.

بیرلشگن ملت لرتشکیلاتی ینگی چیقارگن بیر حساباتیده اون ییل جریانیده عیاللر اوچون یره تیلگن زمینه لر اورته دن کیتمسلیگی واولر حقلرینی سقله نیشی گه جدی تاکیید قیلگن.

عینی حالده اوشبو تشکیلات، افغانستان وتشقی اولکه لر آره سیده گی کیلیشیلگن هرقندی برنامه لرده عیاللر حقلری تامین له نیشی قید ایتیلگن.

شونینگ دیک عیاللرنی سیاسی بولیملرده فعالیت الیب باریشلریدن توتیب اولرگه تعلیم وتحصیل زمینه لری یخشی بیرشکلده یره تیلیشی اورغولنگن.

باشقه تماندن بیرلشگن ملت لر تشکیلاتی یقینده بولیب اوتیشی کوتیله یاتگن شیکاگو یغنیده عیاللرنی خواطر لریگه اچیق جواب بیریلیشی کیره ک لیگینی ایتیب، خاتین قیزلر حقلرینی سقلش شیکاگو یغنیده بحث بوله دیگن امنیتی برنامه لرگه کیرتیلیشنی تاکیدله گن.

بیرلشگن ملت لر تشکیلاتی نینگ افغانستانده کی سوزچیلریدن خانم مبارزگه کوره ایریم اولکه لرده مسوولیت لربیرکوچ دن باشقه بیر کوچ گه تاپشریلگن چاغیده قانون وخاتین قیزلر حقلری ایاق آستی ایتیلیشی خصوصیده خواطر لرهم کوچیگن، شواوچون یوناما بوموضوع نی شیکاگو یغیده جدی راق بحث بولیشی نی طلب قیلگن.

شونینگ دیک بیرلشگن ملت لر تشکیلاتی افغان امنیتی کوچلری نینگ مشق تیارگرلیک لردن اوتکزیش وجهازلنتریشگه کوپراق اعتبار قره تیلیشینی طلب قیلگن.

خانم مبارزگه کوره بوبرنامه عملی بولگن حالده عیاللر دوسیه لری یخشی تیکشریلیب اولرنینگ حقلرینی سقلش اوچون ایجابی توشه دی.

عینی حالده بیرلشگن ملت لر تشیکلاتی صلح، قدرت نینگ بولیش معنی سیده ایمسلیگینی اورغولب بلکه خاتین قیزلر و ایرکک لر اوچون امنیت ایشانچینی بیلدریش دیه فکربیلدرگن.

هرچند سونگی ییلرده خاتین قیزلر اوچون قولی زمینه لرتورلی بولیملرده یره تیلگن،بیراق قولگه کیرتیلگن یوتوق لرنی سقلش و خاتین قیزلر حق حقولرینی تامین لش اوچون ایجابی حرکت لر یولگه قوییلیشی گه نیازبارلیگی ایتله دی.