افغانستان لیک لر شیکاگو یغنیدن نیمه لرنی کوتماقده؟

Image copyright BBC Pashto

افغانستان استراتیژیک تدقیقات مرکزی و ایریم مدنی جمعیت قوریلمه لر بیریغین آرقه لی اوز فکرلرینی شیکاگو یغینی اوچون بیان ایتدی .

یولگه قوییلگن شیکا گویغنیده افغان امنیتی کوچلری اوچون مالی یاردم لر وعده بیریلیشی کوتیله دی، افغانستان استراتیژیک تدقیقات مرکزی وباشقه بیرقنچه مدنی قوریلمه لر بوگون عینی طلب بیلن چیقدیلر.اولرگه کوره شیکاگو یغنیده افغان امنیتی کوچلری نینگ جهازلنتریش اوچون جدی بحث بولیشی اوته مهم.

عینی حالده بوگون کابلده یغین اوتکزگن مدنی جمعیت قوریلمه اعضالری بیریله دیگن یاردم لرنی برابر صرف ایتیلیشی هم اینابت گه آلینیشی کیره ک لیگینی تاکیدله دیلر.

مدنی جمعیت قوریلمه لری نینگ هماهنگ لشتروچی مسوولی میرویس رحیمزی. شیکاگو یغنیدن بولگن اساسی ایستک لرینی شوندی آچیق له دی:"ملی اردو، پلیس و خوفسیزلیک کوچلری میزنی یخشی جهازلنتریلیشینی ایستیمیز، یخشی مشق و تیارگرلیک لردن اوتسین امنیتی کوچلری میز قومی ، منطقوی ، معمالردن اوزاق ساقله نیب ملی مسله لرنی نظرده توتسین لر بوخصوصده بیریله دیگن یاردم لرهم اوزجایگه صرف لنسین."

شیکاگو یغنیده افغان امنیتی کوچلری اوچون یاردملر وعده بیریلیشی ایتیلرایکن عادی افغانستان لیک لرایسه اوشبو یغین نینگ انچه مهم اتب،افغان امنیتی کوچلری نینگ جهازلنتریش و اولرنی مالیه وی کفالت لش اوچون.امریکا وباشقه چیت ایللیک اولکه لر ایشانچلی وعده لرنی بیریشی کیره ک لیگینی اورغولیدیلر.

شونینگ دیک مدنی جمعیت قوریلمه لر ، اداری فساد گه قرشی جدی کوره شیش همده فسادگه قولی بولگن شخص لرنی محاکمه قیلییش اوچون افغانستان حکومتی دن جدی ایشانچ آلشینی شیکاگو یغینیده اشتراک ایتگن وکیللردن سوره دی.

هرچند اوتگن اون ییلدن بیری، دنیاجماعت چیلیگی بیره یاتگن یاردملری مقابلیده افغان دولتی نینگ فساد گه قرشی جدی کوره شیشگه اوندب کیلگن. لیکن شوندی بولسه هم اداری فساد کون ساین آرتیب بارماقده.

کابل لیک غلام سخی، شیکاگو یغینده یاردم لر وعده بیریلگن چاغی فسادگه قرشی جدی کوره شیش اوچون هم اساسی یول -یوروق لر کوریب چیقیلیشی کیره ک لیگینی ایته دی، اونگه کوره:" اون ییلدن بیری افغانستان ده کوپ یاردم بولگن، هربولیم لرده، لیکن بو یاردملر اونچه لیک ثمره لی بولمه گن، شیکاگو یغنیده اداری فسادگه قرشی جدی کوره شیش وعده سی بیریلمه سه حاضرگی وضعیت نینگ یخشی له نیشی ناممکن." دیدی او.

خوب شوندی فکر لر بیلدیریلرایکن افغانستان حکومتی، اداری فسادگه قرشی جدی کوره شیش وعده سی بیلن شیکاگو یغین گه بارگنینی ایتگن .

لیکن ایریم لرگه کوره افغانستان حکومتی ایککینچی بن کنفرانسیده اداری فساد گه قرشی کور ه شیش اوچون جدی وعده لرنی بیرگن ایدی. بیراق وعده لرینی عملی قیلیشی اوچون اونچه لیک اعتبار قره تمه گن.