"گروهی هجوملر اویشتریشینی ریجه لشترگن عصیانچیلر توتیلدی"

Image copyright AP

افغانستان ملی امنیت اداره سی، گروهی وانتحاری هجوملر، اویشتریشینی ریجه لشترگن 15 عصیانچی توتیلگنیدن خبربیرگن.

افغان مقاملری گه کوره، قولگه آلینگن شخص لر، شیکاگو یغینی باشله نیشی بیلن افغانستان نینگ بیرقطار ولایت لریده گروهی هجوملراویشتریشینی مقصد قیلگن ایکنلر.

قولگه آلینگن 15 عصیانچی افغانستان پایتختی کابل قوشیمچه ننگرهار، لوگر، قندهار ولایت لریده گی مهم اداره لر اوستیگه گروهی وانتحاری هجوم اوییشتریشینی ریجه لشترگن ایکن.

افغانستان ملی امنیت اداره سی نینگ سوزچیسی لطف الله مشعل گه کوره ننگرهاردن قولگه آلینگن عصیانچیلر اوشبو ولایت مرکزیده گی امریکا نینگ ترقیات اداره سی اوستیگه هجوم اویشتریشینی مقصد قیلگن ایکن، لوگرده هم افغان امنیتی کوچلرینی زهرلنتریب اولرنی اولدیرماقچی بولگن، کابلده ایسه مهم منطقه لرده قطار هجوملرنی اویشتریشینی ریجه لشترگن ایکنلر.

مشعل جنابلر توتقین گه آلینگن عصیانچیلردن ایککی ته سینی پاکستان لیک بولگنینی ایتب ، اویشتریلیشی ریجه لنگن هجوملرآرقه سیده کیم لر بولگنینی شوندی اچیق له دی:"اوتگن هفته افغان امنیتی کوچلری منطقه ده گی ایککی اسخباراتی رقیبی میزنی ایککی شوم ریجه سینی آلدینی آلیشی گه موفق بولدیلر. بیرینچی رقیب، انتحارچیلرینی یوباریشینی مقصد قیلگن ایدی.باشقه بیری هم ایریم نهادلرگه پول بیریب شیکاگویغینی گه قرشی مردم گه انگیزه بیرماقچی بولگن بوایککی ریجه هم موفقیت گه ایریشمی خنثی ایتیلدی."

شونینگ دیک مشعل جنابلری منطقه ده گی اولکه لردن ینه بیرینی طالبان عصیانچیلریدن حمایت کورسه ته یاتگنی گه عیبله دی .بیراق اوشبو اولکه دن آت توتمه دی.

باشقه تماندن ملی امنیت اداره سی، پاکستان جاسوس لیک اداره سی بیلن علاقه ده بولگن باشقه بیر شخصنی جلال آباد شهریدن قولگه آلنگنیدن خبربیردی.

عینی حالده ملی امنیت اداره سی نینگ سوزچی محاذ ملا دادالله ناملی ینه بیر تروریستی گروه ینگیدن فعالیت گه باشله گنینی معلوم قیلدی.

ملادادالله ناملی محاذ تروریستلیک فعالیت لرنی بجریب کیله یاتگن حقانی ترماغی نینگ کتته بیرگروه سی، لیکن اولرنینگ اصلی وظیفه لری، روحی اوروش دیر همده اولر نینگ وظیفه لریدن باشقه بیری هم افغانستان یوقاری مرتبه لی لازملری وعالی تینچلیک کینگاش رهبرلری واعضاسینی ترور ایتیش بولگن."

طالبان عصیانچیلری حمل آیی نینگ آخرلریده افغانستان نینگ تورت ولایتیده گروهی هجوم اویشتیردی. بوهجوملر نتیجه سیده اینگ آز اون کیشی قربان بولیب ییتمیش گه یقین انسان یره لنگندی.

افغان مقاملری بوکبی هجوملر عصیانچی گروه لرنینگ بهاری عملیات لریدن بیرقسمی دیه فکر بیلدیرماقده.