"کابل بانک قرضدارلری حاضرهم 90فایز قرضلرینی توله مه گنلر"

افغان مقاملری کابل بانک قرضدارلری حاضرگه قدرهم توقسان فایزقرضلرینی توله مه گندیب فکربیلدیرگن. کابل بانک نینگ توپلم قرضی 819 میلیون دالربولیب، قرضدار اره سیده افغانستان جمهورریسی حامدکرزی و جمهوررییس نینگ ایککینچی اورین باسری محمد قسیم فیم نینگ ایناغه لری هم بارلیگی ایتیلگن . افغانستان اولوسی جرگه سی بوگون عینی موضوع باعث افغانستان مالیه وزیری و مرکزی بانک مسوولی نی عمومی یغینده جواب گرلیککه چیقیرگندی. جمهورریس حامدکرزی بویوروغی اساسیده کابل بانک دن قرضدار بولگن کیشیلر اوز حساب لرینی کیله سی اون بیش کون جریانیده تصفیه قیلیشی قید ایتیلگن، اما افغان مقاملریگه کوره کابل بانک دن قرضداربولگن شخصلر حاضرگه قدرهم توقسان فایزدن کوپراق قرضلرینی توله مه گنلر. عینی موضوع اوچون افغانستان اولوسی جرگه سی، مالیه وزیرعمر زاخیل وال مرکزی بانک وکابل بانک جنجللرینی حل ایتیش اوچون قوریلگن کمیسیون باشلیغلرینی جواب گرلیککه چقیرگندی. مسوول کیشی لرایسه اوز جواب لریده کابل بانک دن قرضدار بولگن کیشیلر فقط یوزملیون دالردن کوپراق قرضلرینی توله گن دیب، حاضرهم 819 میلیون دالر تولنمه گنینی ایتدیلر. کابل بانک جنجللرینی حلی اوچون قوریلگن کمیسیون باشلیغی عبدالحمید محبی اوشبو بانک دن قرض آلگن کیشی لرروی خطنی اوقیدی:" حصه دار لردن شیرخان فرنود 279 میلیون دالرحسین فهیم 4.4 میلیون محمود کرزی 15میلیون حاج طاهر ظاهر 16 ملیون شونینگدیک بهار حبیبی اوتیز ملیون وباشقه بیرقنچه سهم دار و تنیقلیشی کیشیلرتوپلم 819 میلیون دالر قرضدار بولیب حاضرهم اوز قرض لرینی توله مه گنلر." مسوول کیشی لرنی بیرگن جواب لری ملت وکیللرینی قانیقتیره آلمه دی اولوسی جرگه نینگ مالی و بودجه کمیسیونی نینگ باشلیغی صدیق احمد عثمانی بوحقده شوندی دیدی:"بولرنینگ بیرگن معلومات لری قانیقرلی ایمس، بیزنی ناتوغری یولگه آلیب بارمچی بولر،مجلس نینگ الده ماقچی، سوال جواب گه نیازی یوق، چونکی بولرنی بیرگن جواب لری انیق تینیق ایمس بولر باره سیده جدی قرار الینیشی کیره ک دیدی عثمانی جنابلری." نتیجه ده ملت وکیللری، بوخصوصده تولیق جواب بیریلمه گنینی تاکیدلب، مسوول کیشی لرنی استیضاح قیلشی اوچون چاره تدبیر الینیشنی مالی وبودجه کمسیونیگه وظیفه بیردی. اوشبو کمیسیون مجلیس نینگ ییگرمه فایز ایشانچ اوازینی بوخصوصده الیشگی قادر بولسه اوندن کیین. مالیه وزیری زاخیل وال مرکزی بانک ریسی دلاوری جنابلری اداری هیات قراری اساسیده استیضاح بولیشی ممکن. کابل بانک افغانستانده کی خصوصی ییریک بانک لردن بیری ایدی اوتگن ییل مالی انقراض بیلن دوچ کیلدی شوباعث افغانستان حکومتی اوشبو بانک نی مرکزی بانک نظارتی گه اوتکزدی.