ملت وکیللری افغانستان وامریکا آره سیده گی استراتیژیک پیماننی تصدیق له دی

Image copyright BBCPahsto.com

افغانستان وامریکا قوشمه ایالت لری آره سیده گی استراتیژیک پیمان اولوسی جرگه وکیللری تمانیدن اکثریت آوزبیلن تصدیق لندی.

بوکونگی یغینده حصصه قوشگن 200 آرتیق ملت وکیللریدن فقط بیش ته سی مخالف آواز بیریب باشقه قالگن بوتون ملت وکیللری ایشانچ آواز بیردیلر. همده ملت وکیللریدن اوچ کیشی استراتیژیک پیمان عمومی جلسه ده بحث ایتیلمه گنیگه قرشی لیک بیلدریب یغیننی ترک ایتیشدی.

اولوسی جرگه نینگ بوکونگی یغینده، استراتیزیک پیمانی باره سیده بحث الیب باریلمی توغریدن توغری آواز بیریش جریانی گه اوتیشی قطارقرمه قرشی فکر لرگه سبب بولدی.

چونکی اکثر ملت وکیللری بحث الیب باریلیشی گه نیازیوق لیگینی تاکیدله دی، بیراق ایریم لر بوپیمان باره جدی بحث بولیشی کیره ک لیگینی اورغولب همده افغانستان خلقی گه عمومی یغین، جانلی شکلده تلویزیون کاناللری ارقه لی کوره سه تیلشی طب قیلیندی.

لیکن اولوسی جرگه نینگ اداری هیاتی همکارلیک استراتیژیک پیمانی ایککی هفته الدین پارلمان وکیللریگه بیریلیب تولیق بحث الیب بارلیگنینی ایتیب قیته دن بحث بولیشی گه نیازیوق لیگینی تاکیدله دیلر. آنه شو دلیلر باعث استراتیژیک پیمانینی تصدیق لش اوچون اواز بیریش جریانی یولگه قوییلدی.

بوکونگی جلسه ده اشتراک ایتگن 200 دن آرتیق ملت وکیللری نینگ اکثریتی ایشانچ اواز بیریشی بیلن بو پیمان تصدیق لندی.

رای بیریش جریانی گه قوشیمله گن ملت وکیلی قربان علی عرفانی اوز دلیللرینی شوندی اچیق له دی:"بو پیمان 2003 – نچی ییل امضالنگن، مصوونیت مسله سی هم امضالنگن، یعنی بودیگنی، امریکا لیک لر ویا هم اولرتمانیدن باشقریله یاتگن شرکت لرگه قضای مصونیت بیریلگن، اولر گه هیچ کیم هیچ نرسه ایته آلمیدی، باشقه بیر مسله هم شو کی پیمانده امریکانی افغانستانده حربی قرارگاه قوریش مسله سی کیرتیلیشی کیره ک ایدی اما بومسله باره سیده هیچ نرسه ایتیلمه گن ، شونینگدیک مردم نینگ دینی قدریت لریگه هیچ قندی بهار بیریلمه گن. فقط دموکراسی اصوللریگه بها بیریلگن."

همکارلیک استراتیژیک پیمانی باره سیده معلومات بیریش اوچون حکومت نماینده لری هم حضور تاپگندی لیکن اولردن قندی دیر سوال سوره لمه دی.

استراتیژیک پیمانی تصدیق له نیشی اوچون ایشانچ اواز بیرگن ملت وکیللریدن داکتر نقیب الله فایق بو پیمان افغانستان منفعتی گه ایکنینی اورغولب ، شو اوچون اکثریت ملت وکیللری تمانیدن موافق رای بیریلدی دیب سوزیوریتدی.

همکارلیک استراتیژیک پیمانی تصدیق لنمسدن الدین پارلمان بناسی قرشی سیده بیرقنچه ناگران شخصلر ناراضلیک نمایش یولگه قوییدیلر.

اولر ایسه بو پیمان تصدیق لنمسلیگی اوچون ایریم اولکه لر اره شیب کیله یاتگنینی دعاقیلیب ، پاکستان وایران اولکه لریگه قرشی بقریشلر بیلن چیقدی، همده نمایشچیلر بو پیمان تصدیق له نیشینی ملت وکیللریدن سوه دیلر.

افغانستان وامریکا آره سیده گی استراتیژیک پیمانی ایککی اولکه اره سیده گی حربی وناحربی همکارلیک لرنی ینه اون ییل دوام تارتیشیگه زمینه یره ته دی.

استراتیژیک پیمان ایککی اولکه جمهوررییس لری آره سیده امضالنگنیدن سونگ، ایریم قوشنی اولکه لراره له شوو باعث پارلمان تمانیدن تصدیق لنمیدی دیگن خواطیرلر کوچیگن ایدی. بیراق بو استراتیژیک پیمانی اکثریت اواز بیلن تصدیق له نیب. قوشنی اولکه لرنی بوخصوصده بولگن اره له شوو لری نتیجه سیز قالدی دیگن گپ سوزلر هم یوزه چیقماقده.