عیاللر فعاللری: خاتین قیزلر کیله جگیدن خواطرده میز

عیاللر ترماغی،ناملی مستقل تشکیلات، خوف سیزلیک مسوولیت لری افغان کوچلریگه تاپشریلگن حدودلرده خاتین قیزلرگه قرشی تهدیدلرکوپلب کوزه تیله یاتگنیدن خواطربیلدیردی.

سونگی وقتلرده قیزلر مکتبلریده زهرله نیش و مکتب بینالریگه اوت قوییش حادثه لری کوپلب کوزه تیلیشی عیاللر اوچون کتته تشویشلرنی توغدیرگن.

بوگون کابلده مطبوعات انجمنی اوتکزگن افغانستان عیاللر ترماغی ناملی مستقل تشکیلات، بوکبی معمالر کوپراق خوف سیزلیگی افغان امنیتی کوچلریگه تاپشریلگن حدود لرده یوزبیریب کیله یاتگنینی ایتدی.

آنه شو باعث عیاللر فعاللری، خوف سیزلیکنی تاپشریش پروسه سیده عیاللر خوف سیزلیگینی تامین لش مسله لری هم اینابتگه آلنیشی کیره ک لیگینی تاکیدله دیلر.

بوخصوصده عیاللر ترماغی ناملی مشقل تشکیلات نینگ فعال اعضالریدن محبوبه سراج:"بیزاوچون اهمیت گه ایگه بولگن نرسه مسوولیت لرنی تاپشریش پروسه سی ، خوف سیزلیک مسوولیت لری تاپشریلگن ولایتلرده، مکتب لرنی باغله نیشی کوپراق کوزه تیلگن، بوخاتین قیزلری اوچون جدی بیر تهدید، حاضر شوندی بیر وضعیت بیلن یوزمه یوز بولگنده 2014 – نچی میلادی ییلدن کیین نیمه بولیشی ممکن."

اوتگن اون ییل جریانیده افغان عیاللری اوچون قولی شرایط یره تیلیشی حکومت نینگ اساسی برنامه لریدن بیرقسمی بولگنی ایتیلیب کیلگن، لیکن عیاللر هلی هم قطار تهدید لر بیلن یوزمه یوز.

بیرتماندن ناتینچ منطقه لرده عیاللر تشقریده چیقیب ایش قیلیشی گه قادر ایمسلر باشقه تماندن سونگی وقتلرده مکتب اوقووچی قیزلرنینگ زهرله نیشی کوپلب کوزه تیلماقده.

عیاللر ترماغی ناملی مستقل تشکیلات مسوولی خانم، سمیرا حمیدی، مکتبلر امنیتی نینگ تامین لش اوچون دولت نینگ جدی اعتبار قره تیشیگه چقریب،بوباره ده شوندی دیدی:"بیزنینگ افغانستان حکومتی گه انیق تکلیفی میز شو کی مکتبلرخوف سیزلیگینی تولیق تامین له سین، طالبان لردن ایستیمیز که تعلیم تربیه دن وسیله اوله راق فایده لنمه سین و پاکستان حکومتیدن ایسته گیمیز، قوشنی بیر اولکه صفتیده، یاشلرمیزنی تعلیم الیش گه منفی تاثیرقالدیرمه سین، اوییرده چاپ ایتلگن درسلیک کتاب لر نی الیب کیلنیشی گه ایزین بیرمه گن، بو کتابلر مکتب اوقووچیلر اوچون بولگن."

جاری هفته ده مملکت نینگ شمال شرقیده جایلشگن تخار ولایتیده اوچ مرته مکتب اوقووچی قیزلر زهرلندی.شونینگدیک معلومات لرگه کوره مملکت نینگ ناتیچ منطقه لریده اینگ از بیش یوز مکتب باغلنگنی ایتلماقده ، باشقه تماندن ایسه عصیانچیلیک فعالیت لری کوچیگن ایریم منطقه لرده قیزلر مکتب باریشگه قادر ایمس.

هرچند طالبان عصیانچیلری بیر بیانات ترقه تیب مکتب لرگه اوت قوییش وقیزلرنی زهرله نیش حادثه لرینی قاره لب بوکبی عمللرگه قولی بولگن شخصلرنی جدی جزالنتریشی بیلن اگاه لنتیردی، بیراق عیاللر فعاللری، حاضرگی وضعیتدن خواطربیلدریب ، خاتین قیزلر خوف سیزلیگینی تامین لش اوچون اعتبار بیریلمه سه کیله جکده ییریک معمالر بیلن یوزمه بولیشلریدن خواطر اظهارایتماقده.