"مستقل سیلاولر کمیسیون اعضالرینی تعین ایتیش اوچون ایجابی حرکتلربولماقده"

Image copyright .

ایرکین سیلاولردن حمایت ایتوچی فیفا ناملی تشکیلات، شفاف سیلاولریولگه قوییلیشی اوچون مستقل سیلاولر کمیسیون کمیشنرلری مدنی جمعیت قوریلمه اعضالری مصلحتی اساسیده تعین اتیلیشی کیره ک لیگینی تاکیدله گن.

شونینگدیک افغانستان پارلمان کینگشی نینگ قضایی وعدلی کمیسیونی هم عینی مسئله یوزه سیدن بحث آلیب باره یاتگنینی معلوم قیلیب، سیلاولرکمیسیونی نینگ مستقللیگی اوچون ایلگری سوریلگن تکلیف لر ایجابی توشیشگه اورغوبیرگن. عینی حالده پارلمان نینگ قضایی و عدلی کمیسیونی کرزی تمانیدن تانتشریلگن کمیشنرلر ملت وکیللریدن ایشانچ رای الیش مسئله سینی هم بیرتکلیف صفتیده الغه سورگن. مستقل سیلاولرکمیسیون نینگ قانون لایحه سی اولوسی جرگه یوباریلگنیدن سونگ، اوشبو قانون لایحه سیگه اوزگریش کیتریش کیره ک دیگن گپ سوزلر یوزه چیقدی، اولوسی جرگه نینگ عدلی وقضای کمیسیون فیفا تشکیلاتی نینگ بوخصوصده بولگن تکلیفی وایریم مدنی جمعیت قویله لر فکرلرینی بیرلشتریب ینگی بیر تکلیف نینگ ایلگری سورگن، بو طرح اساسیده کمیشنر لر نی تعین لش اوچون ایریم یول یوروق لر کوریب چیقیلگن، اولوسی جرگه نینگ عدلی قضای کمیسیون نینگ کتابتچیسی محمد عبدو بوخصوصده شوندی فکر بیلدیردی. "بیزنینگ تکلیفی میز اساسده تورلی مرکزلردن یوزکیشی تعین ایتیلیشی قید ایتیلگن،اوندن کیین تعین لش کمیسونی ایجاد ایتلیب شو یوز کیشی جمله سیدن اون التی کیشی جمهورریس گه معرفی ایتله دی. جمهورریس بوشخص لر آره سیدن مستقل سیلاولر کمیسیون کمیشنرلرینی تعین ایتشی ممکن." شونینگ دیک عبدو جنابلری جمهوررییس کرزی تمانیدن مستقل سیلاولر کمیشنرلری صفتیده تانشتریلگن شخص لر ملت وکیللردن ایشانچ رای آلیشلری هم کوریب چیقلیشینی تاکیدله دی. مستقل سیلالر کمیسیونی نینگ یتتی اعضاسی بولیب، جمهوررییس کرزی تمانیدن تعیین ایتلیب کمیشنرلرنینگ ایش مدتی بیش ییل ایکنی قیدایتیلگن . افغانستان اساسی قانونی گه مستقل سیلاولر کمیسیون اعضالری افغانستان جمهوررییسی تمانیدن تعیین ایتیلیشی قیدایتیلگن. ایرکین سیلاولردن حمایت ایتوچی فیفا ناملی تشکیلات نینگ مسوولی جانداد سپین غر کمیشنرلرنی تعین لش اوچون ایلگری سوریلگن تکلیف لر اینابتگه آلینسه، کمیسیون نینگ مستقللیگی اوچون ثمره لی بولیشینی تاکیدله دی. "اساسی تشویش شو کی، تعین ایتله دیگن، کمیشنر لر ایککی معیارگه برابر بولسه، بیری اولرنی مستقللیگی وباشقه بیری هم اولرنینگ مسلکی تجربه لری قانون تمانیدن تضمین ایتیلیشی ضرور، مدنی جمعیت قوریلمه اعضالری تمانیدن نانشتریلگن شخص لر جمله سیدن جمهورریس کرزی تمانیدن کمییشنرلر تعین ایتلسه بو مستقل سیلاولر کمیسیون نینگ مستقللیگی اوچون ایجابی توشه دی." بولیب اوتگن ریاست جمهورلیک و پارلمانی سیلاولرده قلاب کارلیک لر کوزه تیلیشی آرتیدن، مستقل سیلاولر کمیسیون رهبرلری جمهوررییس کرزی منعفتی گه ایشله یاتگنی گه عیبلندی. افغانستان حکومتی گه سیاسی مخالفت بیلدریب کیله یاتگن ایریم سیاسی حزب و گروه لر، شوباعث مستقل سیلاولررهبریتیده تعیین ایتیله دیگن شخصلرنی مستقل کیشی لردن عبارت بولیشینی طلب قیلیب کیلماقده.