تخارولایتیده ینه هم قیز طلبه لر زهرلندی

Image copyright bbcuzbek

تخار ولایتی نینگ فرخار تومنیده گی ناهیدشهید ناملی قیزلر مکتبیده اونلب قیز طلبه زهرلنگنی خبرقیلینگن شونینگدیک زمان اوتیشی بیلن زهرلنگن لر سانی کوپه یب باره یاتگن

تخارولایت رسمیلرگه کوره زهرلنگن قیزلر سانی قرق کیشی بولیب اولر ایسه دوالش اوچون فرخار تومنیده گی کسلخانه گه انتقال بیریلگن. زهرله نیش حادثه سی یوزبیریشی گه اساسی عامل نیمه بولگنی حاضرگه انیق لنمه گن. محلی رسمیلر بو حادثه یوزه سیدن تیکشرو ایشلر باشله تیگنینی معلوم قیلگن. بوندن بیرکون آلدین تخارمرکزیده جایلشگن قیزلرمکتبلریدن بیریده زهره لنیش حادثه سی یوزبیریب یوزدن آرتیق قیز طلبه زهرلنگنی ایتیلگندی. شونینگ دیک سونگی بیر آی جریانیده تخارولایتیده گی بیرقنچه قیز مکتبلریده آلتی مرته زهرله نیش حادثه سی یوزبیرگنی کوزه تیلدی. بوحادثه دن تورته سی فقط تخار ولایتی نینگ مرکزی تالقان شهریده یوزبیرگن. قیزلرمکتبلریده کیتمه کیت زهره له نیش حادثه لری یوزبیریب کیلرایکن، حاضرگه قدر هم بوکبی حادثه لرنی یوزبیریش گه اساسی عامل نیمه بولگنی انیقلنمه گن. محلی رسمیلر، شوندی حادثه لرگه عیبدار تورت کیشی نینگ توتیلگنیدن خبربیرگن بیراق، اولرنی کیملیگی حقیده هیچ قندی معلومات بیرمه گن. زهرلنگن قیزلر عایله لری شوندی حادثه لر آلدی آلینمه سه، اوز فرزندلرینی مکتب باریشگه ایزین بیرمه یشین ایتگندیلر. هرچند بوکبی عمللر کوپراق طالبان عصیانچیلریگه نسبت بیریله دی اما طالبان گروهی تخارده گی بی بی هاجره ناملی قیزلر مکتبیده زهرله نیش حادثه سی یوزبیریشی ارتیدن بیربیانات ترقه تیب، حادثه نی قتیغ قاره ب چیقدی. عینی حالده طالبان گروهی اوزبیاناتیده، مکتب لرگه اوت قوییش و مکتب اوقووچیلرنی زهرلنتریش حادثه لریگه قولی بولگن شخصلرنی انیق لب اولرگه جدی جزا بیریشی بیلن آگاه لنتیرگندی.