بیر خود کش هجومچی تورت فرانسه لیک عسکرنی هلاک ایتگن

Image copyright AFP

فرانسه لیک کوچلری قرشی سیده کاپیسا ولایتی نجراب اولوسوالیگی نینگ بازاریده بیر خود کش لیک هجوم یوزبیرگنی نتیجه سیده تورت فرانسه لیک عسکر هلاک ایتیلگن.

ناتو نینگ ترقه تگن بیاناتیگه کوره، بو حادثه ده ینه بیش عسکر و اوچ عادی اهالی هم یره لنگن. یره لنگن عسکرلرنینگ اوچ کیشی سی یمان حالتده ایکن لیگی ایتیلگن.

بو هجوم مسوولیتی نی طالبان گروهی اوز ایلکه سیگه آلگن.

شو نینگ دیک افغانستان ایچکی ایشلر وزیرلیگی تمانیدن بیریلگن معلومات لرگه کوره، بو فرانسه لیک عسکر لر نجراب تومنی نینگ بازاریده کیلیش لری بیلن، انتحارچی شخص، عیال بورقه سینی کیینیب، اوزینی مذکور عسکر لرگه یقینلشتیریب، پارتله تگن.

فرانسه، ناتو تشکیلاتی نینگ بیشینچی بویوک عضو صفتیده افغانستان ده اوچ مینگ 300 عسکری بار.

اوتگن اون ییل جریانیده افغانستانده 87 فرانسه لیک عسکر ایریم حادثه لر نتیجه سیده هلاک ایتیلگن.

شو نینگ دیک فرانسه لیک عسکر لری نینگ کوپراقی کاپیسا ولایتی ده فعالیت قیله دیلر. عین حالده بو مملکت عسکر لری نینگ بیر قسمی پایتخت کابل و قندهار ده هم موجود لیگی انیق لنگن.

بوندن، بیر نیچه آی مقدم هم فرانسه لیک نیچه عسکر هلاک ایتیلیشی بیلن، فرانسه سابق جمهور رییسی زود لیک بیلن حربی لرینی افغانستاندن چیقریشی نی ایتگن ایدی.

اما فرانسه نینگ ینگی جمهور رییسی ایسه، افغانستانده بولگن بیرینچی سفریده، حربی لرینی جاری میلادی ییل نینگ آخریگه چه چیقریشی نی ایتگن ایدی.

یعنی ناتو افغانستان دن چیقیشی 2014 نچی ییلده ریجه لنگن اما فرانسه لیک حربی لری، مذکور قراردن ایککی ییل آلدین افغانستان دن چیقیشی ایتیلگن.

اوتگن هفته لرده، ناتو تشکیلاتیده گی عضو بولگن مملکتلر حربی لری افغانستان نینگ هر منطقه سیده عصیانچی گروه لر اینیقسه طالبان تهدید لری بیلن یوزمه یوز بولیب قالگنلر.