" افغانستانده 6 فایز اوزبیک استقامت قیله دی "

Image caption ینگی رویخط سلبی عاقبت لرگه ایتکله شی ممکن

افغانستان ده یشه یاتگن مللتلر خصوصیده افغانستان علم و فن آکادمی (آکادمی علوم ) سی تمانیدن ترقه تیلگن اهالی سانی ، اهالینی رویخط گه آلیش مرکزی تمانیدن رد ایتلگن. شونینگ دیک مرکز ینگی رویخطنی سلبی عاقبت لرگه ایتکله شی ممکن لیگدن آگاه لنتیرگن . سونگی وقتلرده علم وفن آکادمی سی آریانا دایره المعارفینی قیته کوریپ چیقیب چاپ ایتگن. دایره المعارف نینگ برینچی جلد ده افغانستان ده یشه یاتگن مللتلر ساننی کیرتلگن . آکادمی مسوللری بیره یاتگن معلوماتلرگه کوره پشتونلر مملکت اهالی سی نینگ 62 فایزینی، تاجیکلرایسه 12 ، هزاره لر 9 فایزنی تشکیل ایتدیلر. افغانستان ده ،ترقه تیلگن معلومات گه کوره، 6 فایز اوزبیک لر استقامت قیله دی. اهالینی رویخط گه آلیش مرکزی باشلیغی عبدالرحمن غفوری بی بی سی بیلن قیلگن صحبتده ترقه تیلگن رویخط نینگ نه قدر حقیقت گه یقین لیگنی سوال آستیگه آلگن . " بیزبو باره ده هیچ قندی ایش آلیب بارمه گن میز و اولر (علم و فن آکادمی سی )بو معلومات لرنی قه ییردن آلگنلریدن هم بی خبر میز. بیز بو معلومات لرنی توغری دیب حساب له می میز." دیب ایتدی جناب غفوری. اهالینی رویخط گه آلیش مرکزی رئیسی بوکبی معلوماتلرنی ترقه تیلیشی سلبی عاقبت لرگه سبب بولیشنی تاکید لیدی. افغانستان ده اهالی سانینی انیق لش و رویخط گه آلیش احصاییه مرکزی وظیفه سی دیر. بیراق حاضرگه قدر اوشبو اداره اهالی سانینی انیق لشگه موفق بولمه گن . آریانا دایره المعارفیده افغانستان ده یشه یاتگن مللت لر باره سیده نشر ایتلگن رویخط ایرم پارلمان اعضا لری نینگ جدی مناسبتی گه سبب بولگن . پارلمان اعضالری بوندی رقم لر نینگ نشر ایتلیشنی سیاسی حرکت دیب بهاله گن.