کرزی: جنرال دوستم خیانت گه عیبلنمه گن

Image copyright Getty

افغانستان جمهور رییسی حامد کرزی، جنرال دوستم ملی خیانت گه عیبلنمه گنی نی اعلام قیلدی.

کرزی جنابلری، بیر مطبوعات انجمنی اوتکزیب، بو مسئله بیر شکایت حدیده ملی خوف سیزلیک کینگاشیده کیلگنی نی ایتیب، بو موضوع قاره لاوچیلیک تمانیدن تیکشیریلگنی دن کیین انیق بولیشی نی ایتدی.

بوندن بیر کون مقدم ملی جبهه رییسی احمد ضیا مسعود، ملی جبهه رهبر لری خاین ایمس لیگی نی ایتیب، اگرده حکومت بو رهبر لرنینگ خیانت گه عیبله ماقچی بولسه، مملکت بحران گه کیتیشی بیلن آگاه لنتیرگن ایدی.

ملی جبهه رهبر لریدن جنرال عبدالرشید دوستم، آمو دریا نفت لری نینگ چیقریش گه توسیق بولگن سوزلر مملکت نینگ مهم موضوع لریگه ایلنیب، حکومت و اپوزیسیون گروه لر آره سیده جدی خواطرلرنی توغدیرگن.

افغانستان باش قاره لاوچیلیگی، مملکت ملی خوف سیزلیک کینگاشی دن بیر نامه قولگه کیلتیرگنی نی معلوم قیلیب، بو نامه ده جنرال دوستم آمو دریا نفت لری نینگ چیقریش اوچون قنده ی توسیق بولگنی توغری سیده تکشیریش یولگه قوییلیشی اوستیده تاکید بولگنینی ایتگن.

اما بوگون جمهور رییس حامد کرزی، جنرال عبدالرشید دوستم ملی خیانت گه عیبلنگن سوزلرنی رد قیلیب، لیکن بو موضوع حاضر تحقیق آستیده بولگنی نی معلوم قیلدی.

"جنرال صاحب دوستم نی هیچ کیم ملی خیانت گه عیبله مگن. بو مسئله مطبوعات گه چیگنی ایری بیر گپ، لیکن، بو که مربوط وزیرلیک و خارجی کمپنی تمانیدن افغانستانده سرمایه یاتقیزیش اوچون ممانعت لر بارلیگی توغری سیده مملکت وزیرلر کینگاشی یا ملی امنیت کینگاشیگه رسمی گزارش کیله دی، افغانستان دولتی نینگ قانونی شکلده تیکشیریش گه حقی بار. چون که بو یول دن مردم گه ایش زمینه سی تاپیله دی. حقیقت لر تاپیلیشی کیره ک. راست و یلغان معلوم بولیشی کیره ک. اگر راست بولسه، قانون عملی بولیشی کیره ک و خلق منفعتی نی نظرده توتیشی کیره ک، اما اگر یلغان بولسه گزارش نی بیرگن جزا کوریشی کیره ک."

کرزی جنابلری شونگه قوشیمچه قیلیب، بیر شخص نینگ خیانتگه عیبله ش مسئله سی، جمهور رییس صلاحیت لریدن ایمس لیگی نی ایتدی.

کرزی جنابلری، بو توغری یده افغانستان قانون لری، مملکت محکمه و عدلی نهاد لریگه صلاحیت بیرگنی نی ایتدی.

اما کرزی جنابلری نینگ مذکور سوزلریگه قرگنده، سرپل ولایتی نینگ پارلمانده گی وکیلی و ملی جبهه اعضا لریدن سید انور سادات، جنرال عبدالرشید دوستم قرشی سیده باغلنگن عیبلاولرگه هیچ قنده ی بیر حجت یوق یوق لیگی نی ایتیب، ملی جبهه بوتوغری ده اقامه دعوا قیلیشی نی معلوم قیلدی.

شو نینگ دیک ملی جبهه رییسی احمد ضیا مسعود هم، تیناون بیر مطبوعات انجمنی اوتکزیب، جنرال دوستم گه قره تیلگن عیب لاولرنی بوتونلی رد قیلدی.

مسعود جنابلری، حکومت ده گی بیر قنچه کیشی لر، ملی جبهه نینگ اخیرگی سیاسی فعالیت لریدن قورقیب بو نده ی نا توغری عیب لاولرنی باغله گن لر دیب ایتدی.

دستبلکی معلومات لرگه کوره، آمو دریا حدودیده گی نفت لر، 80 ملیون بیلرگه ییتیشه دی. خود شو مسئله باعث، آمودریاده کی نفت لر چیقریلیشی، دنیا نینگ کوچلی مملکت لریگه تیگیشلی کمپنی لر آره سیده هم بیر آز قره مه قرشیلیک لر چیقگن تحلیل لر هم موجود.