کابل انجمنی طالبان بیلن مذاکره قیلیشدن آرقه داشلیک بیلدیردی

Image copyright arg

آسیا قلبی آتی ده گی انجمن افغانستان نینگ آلتی قوشنی مملکت لری بیلن قوشیمچه 40 اولکه و خلق ارا تشکیلات لر اشتراکی بیلن کابلگه یولگه قوییلدی.

مذکور انجمن افغانستان و ترکیه تشقی ایشلر وزیرلری نینگ باشچیلیغ لری بیلن باشلندی. یغین نینگ باشیده افغانستان جمهور رییسی حامد کرزی سوزگه چیقیب، مملکت چیگره داش مملکت لری شو نینگ دیک منطقه ده گی اولکه لر همکارلیک لری افغانستان گه تینچلیک نی کیلتیریشی توغری سیده انچه مهم لیگی نی معلوم قیلدی.

کرزی جنابلری، افغانستان تینچلیک پروسه سی نینگ قوللب قوتله ش اوچون، سعودی عربستان و پاکستان نینگ جدی همکارلیک لری لازم لیگی نی هم ایتدی.

عین دمده کرزی جنابلری، چین اولکه سی افغانستان گه بیرینچی اولکه صفتیده کتته سرمایه یاتقیزیشی نی ایتیب، شو نینگ دیک افغانستان و منطقه اوچون، تورکیه ده آلینگن قرار لرنی عملگه آشیریش جهت لرینی کوریب چیقیش اوچون انچه مهم دیدی.

بوگون کی انجمن ده، پاکستان، ایران، چین، تاجکستان، اوزبیکستان، ترکمنستان، روسیه و ترکیه تشقی ایشلر وزیرلری اشتراکی دن تشقری، هندوستان، عرب امارت لری بیرلیگی، سعودی عربستان، آذربایجان، قزاقستان، قرغیزستان، نماینده لری هم قتنه شگن ایدیلر.

عین زمانده امریکا، کانادا، بریتانیا، آسترالیا، دنمارک، مصر، فرانسه، آلمان، عراق، ایتالیا و باشقه بیر قنچه تشکیلات لر نماینده لری هم قتنه شگن ایدیلر.

مذکور اولکه لر نماینده لری افغانستان خوف سیزلیک مسوولیت لری نینگ افغان لر اوز ایلکه لریگه آلیش لری شو نینگ دیک قوراللی مخالف گروه لر بیلن مذاکره لر یخشی شکلده ایلگری کیتیشی دن حمایت بیلدیردیلر.

بوگون کی یغینده اشتراک ایتگن مذکور نماینده لر، تروریزم و مخدره ماده لر قاچاقی بیلن قرشی کوره شیش اوچون همکارلیک لرنینگ کوچه یتیریلیشی توغری سیده تاکید قیلدی لر.

عین زمانده بیر قنچه مملکت لر اقتصادی فعالیت لرنی کوپه یتیریب، افغانستانگه سرمایه یاتقیزیش لری دن هم سوز یوریتدیلر.

یغینده قتنه شگن مملکت لر افغانستان نینگ 2014 نچی ییل دن نری هم اقتصادی جهت دن قوللب قوتله یشی لری اوستیده تاکید قیلدیلر.

آسیا قلبی آتی بیلن منطقه انجمن کابل گه یولگه قوییلیشی اوچون نیچه کون دن بیری مملکت پایتختی نینگ خوف سیزلیگی تامین لنگن.

کابل شهری اینیقسه یولگه قوییلگن کنفرانس منطقه لری هم خوف سیزلیک کوچلری تمانیدن جدی شکلده نظارت بولماقده.