مدافعه وزیرلیگی :جنرال دوستم نینگ سیاسی فعالیت لری قانوگه قرشی

Image copyright junbesh.net

افغانستان مدافعه وزیرلیگیگه کوره جنرال دوستم حربی کوچلر قوماندانلیگی نینگ ارکان رییسی صفتیده وظیفه آلیب باره یاگتی باعث سیاسی فعالیتلریگه نقطه قوییش اوچون اوشبو وزیرلیک تمانیدن اونگه رسمی مکتوب یوباریلگن.

افغانستان مدافعه وزیرلیگی نینگ سوزچیسی ظاهر عظیمی کابلده اوتکزگن مطبوعات انجمنیده افغانستان اساسی قانونی نیگ 153. بندیده قاضیلر، قاره لوچی لر و حربی مقام گه ایگه بولگن دولت خادملرینی سیاسی حزب اعضالیگیده بولمه یشی قید ایتلگنینی ایتدی. اوشبو وزیرلیک قانون نینگ بوبندینی دلیل کیلتریب ، جنرال دوستم نینگ سونگی سیاسی فعالیت لرینی قانونگه مخالف ایکنینی اورغوله دی .

عینی حالده عظیمی جنابلری جنرال دوستم نینگ بوکبی فعالیت لردن قول تارتیشی اوچون، مدافعه وزیرلیگی تمانیدن اونگه رسمی مکتوب یوباریلگنینی معلوم قیلدی عظیمی جنابلریگه کوره : "سترجنرال عبدالرشیددوستم حربی کوچلر باش قوماندانلیگی نینگ ارکان رییسی صفتیده وظیفه آلیب بارماقده. مدافعه وزیرلیگی ،عسکری قانون لرنینگ عملی قیلیش مرجع صفتیده بیر مکتوب یوللب جنرال دوستم نینگ حربی مقام گه بولگنی اوچون سیاسی فعالیتلر الیب باره المیسنگ دیب بیلدیرگن.بیز بو رسمی مکتوب نینگ باشقه تیگیشلی اداره لرده هم یوبارگن میز."

اما جنرال دوستم بیلن یقین علاقه ده بولیب اونینگ برنامه لریدن حمایت بیلدریب کیله یاتگن ملت وکیلی سید انور سادات مدافعه وزیرلیگی نینگ بوکبی بیانات لرینی سیاسی بیرحرکت بیلیب بوحقده شوندی دیدی:" جنرال دوستم افغانستان حربی قوشینلر باش قوماندانلیگی نینگ ارکان رییسی صفتیده وظیفه آلیب باماقده، شو دلیل باعث مدافعه وزیرلیگی جنرال دوستم حقیده بوندی بیرمکتوب یوباریش صلاحیتیگه ایگه ایمس، چونکی مدافعه وزیرلیگی دن کوره جنرال دوستم نینگ صلاحیتی یوقاری شو اوچون بومسله اونچه لیک جدی گه الینمه گن."

حقوق بیلمدانلریدن فاروق بشر افغانستان اساسی قانونیگه یوقاری مقام گه ایگه بولگن، دولت خادملرینی سیاسی فعالیت قیلیشی گه ایزین بیریلمه گنینی تیلگه آله دی.:"افغانستان اساسی قانونی یوقاری مقام گه ایگه بولگن شخصنی سیاسی حزب اعضالیگیده بولیشیگه ایزین بیرمیدی، بیراق خلق ارا معیارلرگه توخته تیلب اوتسک، دولت خادملرینی سیاسی حزب اعضالیگیده بولیشی اوچون قندی توسیق قوییلمه گن.امریکا و انگلستان قانون لریگه نظر تشله سک یوقاری مقام گه ایگه بولگن ایریم شخصلر سیاسی حزبلر اعضالیگیده بولگن.بیراق افغانستان قانونی باشقه چه."

افغانستان ملی اسلامی جنبش رهبری، جنرال عبدالرشید دوستم، ملی جبهه نینگ مهم اعضالریدن بیری بولیب ممکت نینگ قطار ولایت لریده جاری تیزم نینگ پارلمانیگه اوزگرتریش اوچون بیرقنچه یغیلیشلرنی یولگه قوییدی.

عینی حالده جنرال دوستم قوشیمچه ملی جبهه باشلیغی احمدضیا مسعود اوشبو جبهه نینگ مهم اعضاسی محمد محقق لرهم جنرال دوستم بیلن بیرگه لیکده بوکبی یغینلرگه حصصه قوشیب تیزم نینگ اوزگریشینی تاکیدلب کیلماقده. آنه شوندی یغینلر یولگه قوییلیشی آرتیدن بو رهبرلر وحکومت آره سیده گی سیاسی مخالفت لرهم کوچیدی.