کرزی: کانکور سیناوی اوزگرتیریلسین

Image copyright AFP

افغانستان جمهور رییسی حامد کرزی ، تعلیم و عالی بیلم آلیش تیزیمی نینگ اوزگرتیرلیشنی طلب قیلدی.

کابل ده افغانستان ده کی تعلیم تزیمیده اصلاحات کیلتریش اوچون یولگه قوییلگن سیمینار ده صحبت لشگن حامد کرزی ، موجود تیزیم نینگ اسکیرگنینی ایتیب ، مکتب اوقوچی لری نینگ ٩ ینچی صنف دن باشلب تعلیم آلیش یونه لیش یا رشته سی نینگ انیق بولیشی کیرک لیگنی ایتگن .

او عینی دمده طب و شونگه اوخشش مهندس لیک عالی درگاه لریده ، اوقوچی لر درس لرنی انگلیس تیلیده الیشنی تاکید له گن .

"مینی پیشنهادیم بو که کانکور سیناوی نینگ اصلاح قیلیش کره ک، باشقه، اوشه شاگرد لر هم قیزلر و هم باله لرکه بیرینچی دن تا بیشینچی نمره نی، اونینچی، اون بیرینچی و اون ایککینچی صنف لرده آلگن لر، کانکور سیناوییده قتنه شمه ی، خواه له گن فاکولته لرده کیریسین لر. بو شاگرد لر بو اوچ ییلده خواه له گن فاکولته لریده کیریش اوچون درس اوقیش گه تشویق بوله دیلر. و باشقه شاگرد لرنی هم تشویق قیلیش گه باعث بوله دیلر."

جمهور رییس کرزی شونگه قوشیمچه قیلیب، مکتب لرنینگ توقیزینچی صنفی ده بولگن شاگرد لر رشته لری بولینیشی اوستیده هم تاکید قیلدی.

عین زمانده او افغانستانده ساینسی علم لر بولیمی ده اونچه لیک رواجلنمه گنی ایتیب، مذکور بولیم لرده کوپراق سعی و حرکت لر یولگه قوییلیشی اوستیده تاکید قیلدی.

اما کرزی نینگ مذکور سوز لریگه قرگنده اوتگن نیچه ییل دن بیری مینگ لب یاش طلبه لر ایریم دلیل لر سببلی کانکور سیناوی لریده کامیاب بوله آلمه گن لر.

کانکور سناوییده قینلگن افغان طلبه لری ایسه، تورلی خیل قیین چیلیک لر بیلن یوزمه یوز بولگن لرینی معلوم قیله دیلر.

شونده ی بیرحالده افغانستان عالی اوقودرگاه لر وزیری عبیدالله عبید ایسه، حاضر هم افغانستان تعلیمی و تحصیلی تیزیمیده انچه قیین چیلیک لر موجود لیگی نی ایتیب، مذکور قیین چلیک لرنی برطرف قیلیش اوچون برچه نهاد لر بیلن بیرگه لیککه جدی شکلده ایشله ش نی سوز بیردی.

"نیجه اون ییلیک ایلگری افغانستان عالی اوقو درگاه لریده، طلبه لر، عرب مملکتلریدن، اورته آسیا دن، و حتی غربی مملکت لریدن کیلیب تحصیل قیلریدیلر، شو نینگ دیک، اون لب پروفیسور، امریکا و غربی مملکت لردن کیلیب عالی اوقو درگاه لریمیزده درس بیریدیلر. اما اگر بوگون کابل عالی اوقو یورتی و باشقه عالی درگاه لریمیز نینگ معیاری جهت دن کورسه ی، یخشی نتیجه لرنی قولگه کیریته آلمه یمیز."

بوگون کی یغین ده جمهور رییس کرزی اوتگن ییلی بیش ملیون دالر نینگ افغان باله لرینی خارجی مملکت لرگه یوباریش اوچون اجرتگنی نی بو ییل ایککی برابر گه آشیرگنی نی معلوم قیلدی. شو نینگ دیک او، کیله سی ییل لرده افغان طلبه لری خارجی مملکت لرده درس اوقیش لری اوچون 30 دن تا 40 ملیون دالر گه چه اجره تیشی نی هم ایتدی.

بو حالتده قرگنده، افغانستان نینگ تورلی اداره لریگه فساد موجود لیگی مملکت نینگ اساسی قیین چیلیک لریدن حسابلنه دی.

معارف و تحصیلی بولیم لریده هم کینگ شکلده فساد موجود لیگی طلبه لرو اهالی نینگ جدی تنقید لریگه سبب بولیب کیلگن.