سرپل ده ینه یوزدن آرتیق قیز اوقووچی زهرلندی

افغانستان شمالیده کی محلی ملازم لر ، یوزدن آرتیق قیز اوقووچی نی زهر لنتیرلگنینی معلوم قیلگن . عینی دمده افغانستان ملی تلویزیوننی تخار ولایتده کی مکتب لردن بیریده زهر سیپیشده "عیب لنگن " نیچه شخص "اقرارینی" کورستگن. سرپل ولایتی مرکزیده کی مکتبلرده اوتکن ایککی کونده 200 گه یقین قیز اوقوچی زهرلنگن. طلبه لرنینگ زهرله نیشی اوچونچی مرتبه روی بیرماقده . سرپل ولایتی کسل خانه شفا کار لریگه کوره ، قیزاوقووچی لر کسل خانه ده دوالنگن. بوندن اول بامیان، تخار، قندوزو باشقه بیرقطار ولایتلرده هم یوزلب قیز طلبه لر زهرلنتیرلگنی ایتلگندی. دولت رسمی لری افغانستان مخالف لری اینقسه طالبان گروه نی مکتب اوقوچی لرنینگ زهرلنتیرشگه عیب له گن . ملی تلویزیون ده کورسه تیلگن عیبلنگن شخص لر ، پول مقابلیده طالبان بیلن همکارلیک قیلگن لرینی اقرار قیلگنلر. عیب لنگن شخص لر گه کوره اولر زهرلی ماده نی تخار ده کی "بی بی هاجره " مکتب حویلی سیده سیپیشگن. افغانستان عامه ساغلیق وزیرلیگی تخار ولایتدن گاز و سوولی زهرلی ماده نی قولگه کیرتلگنینی تصدیق له گن .