"مخدر ماده لرقاچاقیگه عیبدارآلتی یوزدن آرتیق شخص قولگه آلینگن"

Image copyright Reuters

ایچکی ایشلر وزیرلیگی نینگ مخدرماده لرگه قرشی کوره شیش اداره سی اوتگن اوچ آی جریانیده آلتی یوز کیشی نینگ مخدر ماده قاچاقیگه عیبدارتانیلیب قولگه آلینگنیدن خبربیردی.

پلیس مقاملریگه کوره قولگه آلینگن قاچاقچیلردن اونته سی چیت ایللیک بولگن. ایران، پاکستان وبریتانیا لیک لرهم چیت ایللیک لر اره سیده موجود لیگی اورغولنگن.

ایککی بریتانلیک شخص ایسه الکولی ایچیم لیک سودا قیلیشی گه عیبدارتانلیب توتقینگه آلنگنی ایتیلماقده.

ایچکی ایشلر وزیرلیگی نینگ مخدره ماده لرگه قرشی کوره شیش اورین باسری، دنیاجماعت چیلیگی نینگ یاردم لری کمیسه، تریکا ایکمی و مخدر ماده لر سوداسی آرتیب باریشدن خواطر اظهارایتدی.

ایچکی ایشلر وزیرلیگی نینگ مخدره ماده لرگه قرشی کوره شیش اورین باسری بازمحمد احمدی آنه شو اوچ آیلیک فعالت لر جریانیده، کمیده 140 تن مخدر ماده قولگه کیریتیلیب همده 649 کیشی نینگ بوماده قاچاقیگه عیبدار قولگه آلگنیدن خبربیردی :"مخدرماده لرقاچاقیگه عیبله نیب قولگه آلینگن شخص لر جمله سیدن اونته سی چیت ایللیک دیر، بیش نفری پاکستان لیک اوچته سی ایران لیک، همده ایککیته سی بریتانلیک بولگن، بولر هرات، کابل وخوست ولایتلریدن قولگه آلینگن."

شونینگ دیک احمدی جنابلری جاری ییل نینگ اوچ آی اولیده بیش ییریک قاچاقچی اوشلنگنینی تیلگه آلیب کتته قاچاقی دیب روی خط گه آلینگن ینه اون قاچاقچینی قولگه آلیش اوچون جدی سعی حرکت بوله یاتگنینی معلوم قیلدی.

باشقه تماندن احمدی جنابلر 2014 میلادی ییلدن کیین دنیا جماعت چیلیگی نینگ یاردمی کمیسه، تریاک ایکیمی و مخدر ماده لر قاچاقی آرتیب باریشدن خواطر اظهارایتدی.

هرچند مخدر ماده لرگه قرشی کوره شیش اوچون نیچه اداره قوریلیب، کوزه کورنرلی مادی هزینه بیلن ایریم برنامه لر یولگه قویلیب کیلماقده، لیکن شوندی بولسه هم افغانستان هلی هم تریاک ایشلب چیقاره دیگن بیرینچی مملکت دیه کورسه تیلماقده.