رسمیلر: پاکستان، افغانستان گه عصیانچیلرنی کیلتیریش اوچون راکت آته دی

افغانستان خوف سیزلیک اداره سی، پاکستان تمانیدن افغانستان نینگ کنر و نورستان ولایت لریده قره ته راکت اوقی آتیلیشی دن اساسی مقصد، افغانستان توپراغی نی تصرف قیلیش و عصیانچی لرنینگ جایلشتیریش دیب ادعا قیلماقده.

رسمیلرگه کوره، اوتگن بیر یریم آی دن بیری پاکستان تمانیدن یوزلب راکت اوقی افغانستان نینگ چیگره لی منطقه لریده آتیلگن. شو نینگ دیک مردم هم مذکور راکت اوق لری نتیجه سیده هم جانی و هم مالی ضرر کورگن لیک لرینی ایتگن لر.

خوف سیزلیک اداره سیگه کوره، پاکستان بو کبی هجوم لری بیلن، 2014 نچی ییل گه قدر عصیانچی لرنی افغانستان توپراغیده جایلشتیرماقچی.

شو نینگ دیک نورستان نینگ پولیس قوماندانی هم نیچه کون ایلگری، پاکستان نینگ یوز نفریدن کوپراغی شخصی کییم بیلن مذکور ولایت کامدیش تومنیده هجوم قیلگنینی ادعا قیلگن ایدی.

شونده ی بیرحالده پاکستان رسمی لری ایسه، مذکور راکت اوق لرنی عصیانچی لرنینگ اورته دن ایلتیش مقصدیده آتگنی نی ایتیب لیکن مذکور اوق لرنینگ بیر نیچیته سی عمدی بولمه گن حالده افغانستان توپراغی گه توشگنینی معلوم قیلگن.