پولیس کییمینی کیگن بیر شخص اوچ ناتو عسکری نی اولدیرگن

Image copyright Reuters

ناتو تشکیلاتی نینگ ایتیشیچه، قوراللی بیر شخص پولیس کییمی بیلن ناتو نینگ اوچ عسکری نی اولدیرگن.

ناتو تمانیدن ترقه تیلگن بیانات گه کوره، هجومچی شخص ناتو عسکر لری تمانیدن اوقگه توتیلیب، یره لنگنی دن کیین، اوشله ب آلینگن.

هلاک ایتیلگن عسکرلر هوییتی حاضر گه قدر فاش ایتیلمه گن. شو نینگ دیک حادثه قه ییرده یوزبیرگنی هم حاضر گه چه انیق بولمه گن. اما مخبر لر قندهار محلی رسمیلری قولی دن مذکور حادثه قندهار ده یوز بیرگنی نی ایتگن لر.

خود شو کبی هجوم لر یعنی خوف سیزلیک کوچلر کییمی دن فایده لب، ناتو عسکر لری نینگ اولدیریش بوندن آلدین هم نیچه مرته صورت تاپگن.

شونده هجوم لر فقط جاری ییلده 20 دن آرتیق خارجی عسکرنی هلاکتگه اوچره تگن.

بیر قنچه مقام لر، بو حادثه لر افغان امنیتی کوچلر تمانیدن عملگه آشیریلیشی نی معلوم قیلگن لر. اما طالبان گروهی مذکور هجوم لر نینگ کوپراق اوز ایلکه سیگه آلگن لر.

شونده ی بیرحالده بیر قنچه رسمی لر، روحی فشار لر ویا خارجی عسکر لر بیلن ضدیت لر تاپیلیشی بیلن، افغان عسکر لر خارجی لرگه قره ته اوق آتگن لر.

بیر قنچه کوزه توچیلر گه کوره، شونده ی هجوم لرنینگ دوام تارتیشی خارجی عسکرلرگه سلبی تاثیر قویماقده.

ناتو تشکیلاتی حربی مسوولیت لرنی 2014 نچی ییلده افغان لرگه تاپشیریب، لیکن اوشبو کوچلر نینگ تعلیم بیریش ساحه سیده یاردم لری دوام تارتیلیشی معلوم بولگن.